कञ्चनपुर । नेकपा माओवादी केन्द्र भीमदत्त नगरको अध्यक्षमा आनन्द सिंह धामी चयन भएका छन् । माओवादी केन्द्र भीमदत्त नगरको दोस्रो नगर अधिवेशनबाट अध्यक्षमा धामी चयन भएका हुन् ।
२७ साउनदेखि सुरु भएको माओवादी भीमदत्त नगरको अधिवेशन २९ साउनमा सहमतीय आधारमा नगर कमिटी टुङ्गो लगाएको जनाएको छ । माओवादी केन्द्र कञ्चनपुरका युवा नेता वीरेन्द्र बिसीले सहमतीय आधारमा धामीको नेतृत्वमा ५५ सदस्यीय नगर कमिटी चयन गरिएको बताए ।
उपाध्यक्षमा कमल नेपाली, नारु सिंह, गणेश बहादुर चन्द, सचिव वीर बहादुर नेपाली, सहसचिव तेजेन्द्र ऐर, आशा चौधरी, कोषाध्यक्ष शोभा टमाटा रहेका छन् । नेकपा माओवादी केन्द्रका केन्द्रीय सदस्य एव क्षेत्र ३ इन्चार्ज लोकेन्द्र लम्साल, क्षेत्र ३(क) इन्चार्ज एव केन्द्रीय सदस्य माया नेगी, कञ्चनपुरका जिल्ला इन्चार्ज टेकेन्द्र प्रसाद भट्ट, संयोजक खेमराज पाण्डेय,भीमदत्त नगर इन्चार्ज लोकराज जोशी, युवा नेता वीरेन्द्र राज विष्ट सहितका नेताहरूले नयाँ नगर कमिटीलाई बधाई तथा शुभकामना दिँदै पाटीको कामकाजमा खटिन निर्देशन दिएका छन् ।
नेकपा माओवादी केन्द्र भीमदत्त नगरका अध्यक्ष आनन्द सिंह धामीले नगरमा पाटीलाई चुस्त दुरुस्त बनाउँदै अघि बढ्ने प्रतिज्ञा गरेका छन् ।
Discussion about this post