कञ्चनपुर । कञ्चनपुर जिल्लाको दक्षिणी क्षेत्र बेलडाँडी गाउँपालिकामा सरसफाइ अभियान सुरु गरेको छ।
सनिवार एक कार्यक्रमको आयोजना गर्दै क्लबका अध्यक्ष लोक बहादुर बलायरको सभापतित्वमा “खेलकुद सँगै सुरक्षित सरसफाइ सेवामा समावेशिता हाम्रो प्रतिबद्धता” भन्ने मूल नाराका साथ अल स्टार युवा क्लब बेलडाँडी गाउँपालिका वडा नं.-०१ द्वारा सरसफाइ अभियान सुरु गरेको क्लबका सहसचिव दिपक कोइरालाले बताउनु भयो।
उनका अनुसार, सरसफाइ अभियान आइतबार र सोमबार बिहान निरन्तर चल्ने छ। भने अन्य कार्यक्रम हप्तामा प्रत्येक शनिवारको दिन बिहान २ घण्टा गर्ने गरी कार्य तालिका रहेको छ। खेलकुदका गतिविधि सँगै क्लबले समाज सुधार लगायत अतिरिक्त क्रियाकलाप गर्ने योजना बनाएको छ। अभियान लाई सुरुवात गर्न सहयोग पुगाउने सम्पूर्ण सहयोगी हातहरू लाई क्लबले धन्यवाद समेत व्यक्त गरेको छ।
सरसफाइ अभियानको सभापतित्व क्लबका अध्यक्ष लोक बहादुर बलायर, बेलडाँडी गाउँपालिका वडा नम्बर -१ का निवर्तमान वडा अध्यक्ष अमर बहादुर खत्री, सरस्वती माध्यमिक विद्यालयका अध्यक्ष एवम् क्लबका सल्लाहकार संयोजक दीर्घ बहादुर सिंह, नेपाल पत्रकार महासङ्घका कोषाध्यक्ष एवम् पत्रकार मोहन विष्ट क्लबका पदाधिकारी, खेलाडी खेल प्रेमी लगायत समाजका युवा नेतृत्वकर्ता लगायत बुद्धिजीवीको समेत उपस्थिति रहेको थियो।
Discussion about this post