कञ्चनपुरका चन्द ‘हिरो अफ द इयर’ घोषित

कञ्चनपुर । जीवन बीमा क्षेत्रमा विगत ३८ वर्षदेखि सेवा दिँदै आएको अग्रणी कम्पनी नेशनल लाइफ इन्स्योरेन्स कम्पनी लिमिटेडको महेन्द्रनगर शाखामा कार्यरत मुख्य व्यवसाय प्रबन्धक राजेन्द्रबहादुर चन्द ‘हिरो अफ द इयर’ घोषित भएका छन्।

कम्पनीको महेन्द्रनगर शाखाबाट सञ्जाल व्यवसाय मार्फत सर्वाधिक व्यवसाय गर्दै आएका चन्दले आर्थिक वर्ष २०८१/८२ मा पनि सबैभन्दा धेरै व्यवसाय गर्न सफल भएको शाखा प्रमुख अमर सिंह धामीले जानकारी दिए।

चन्द यसअघिका आर्थिक वर्षहरूमा पनि लगातार दुई पटक सुदूरपश्चिम प्रदेशमा प्रथम हुँदै देशभरका उत्कृष्ट दशभित्र पर्न सफल भएका थिए। उनले सन् २०२५ को एमडिआरटी सम्मान समेत प्राप्त गरिसकेका छन्।

हाल चन्दसँग स्वदेश तथा विदेशमा रहेका नेपालीहरूले बीमाका लागि आफै सम्पर्क गरी बुझ्ने गरेका छन्। व्यवसायिक सफलताका साथै चन्द सामाजिक कार्यमा पनि उत्तिकै सक्रिय छन्।