काठमाडौं – प्रतिनिधि सभाको बैठक आज दिउँसो १ बजे संघीय संसद् भवन, नयाँ बानेश्वरमा बस्दैछ। बैठकमा प्रधानमन्त्री केपी शर्मा ओलीले सांसदहरूले उठाएका प्रश्नहरूको प्रतिउत्तर दिने कार्यसूची तय गरिएको छ।
त्यस्तै, सभामुख देवराज घिमिरेले “राष्ट्रिय सभामा उत्पत्ति भएको पानीजहाज (सञ्चालन तथा व्यवस्थापन) विधेयक, २०८१ माथि विचार गरियोस्” भन्ने प्रस्ताव निर्णयार्थ प्रस्तुत गर्ने कार्यक्रम रहेको छ।
बैठकमा उद्योग, वाणिज्य तथा आपूर्ति मन्त्री दामोदर भण्डारीले विश्व व्यापार संगठन (WTO) अन्तर्गतको मत्स्य उद्योगमा सहुलियतसम्बन्धी सम्झौता विषयमा सामान्य छलफल गरियोस् भन्ने प्रस्ताव पनि प्रस्तुत गर्ने कार्यसूचीमा समावेश गरिएको छ।
आजको बैठकमा विधेयकमा छलफल, अन्तर्राष्ट्रिय सम्झौता र सांसदका जिज्ञासाहरू समेटिएको बहस रहने अनुमान गरिएको छ।
Discussion about this post