कञ्चनपुर । कञ्चनपुरको पुनर्वास नगरपालिका वडा नम्बर -६, मालिका टोलमा आईतबार अजिङ्गर नियन्त्रणमा लिने क्रममा एक जना स्थानीय घाइते भएका छन्।
दिउँसो करिब १:३० बजे स्थानीय जङ्गबहादुर सुनारले लगाएको उखुबारीमा अन्दाजी ७ फिट लामो अजिङ्गर फेला परेको थियो। अजिङ्गर फेला परेपछि सब डिभिजन वन कार्यालय पचकडिया कञ्चनपुरको टोली, स्थानीय जनप्रतिनिधि र स्थानीयवासीको सहयोगमा त्यसलाई नियन्त्रणमा लिने प्रयास गरिएको थियो।
सोही क्रममा पुनर्वास -६ बस्ने ४८ वर्षीय सोमराज विकको देब्रे हातमा अजिङ्गरले टोकेको जिल्ला प्रहरी कार्यालय कञ्चनपुरका प्रवक्ता तथा सूचना अधिकारी प्रहरी नायब उपरीक्षक (डिएसपी) सागर बोहराले जानकारी दिएका छन्। घाइते विकलाई तत्काल उपचारका लागि धनगढीस्थित सेती प्रादेशिक अस्पतालमा लगिएको छ।
नियन्त्रणमा लिइएको अजिङ्गरलाई नमुना महिला सामुदायिक वनमा लगेर छोडिएको छ।
Discussion about this post