कञ्चनपुरको ऐस पब्लिक एकेडेमीको एसईईमा उत्कृष्ट नतिजा

कञ्चनपुर । कञ्चनपुरको गोबरैयामा रहेको ऐस पब्लिक एकेडेमीले गत शैक्षिक सत्र २०८१ मा सञ्चालित माध्यमिक शिक्षा परीक्षा (एसईई) मा उत्कृष्ट नतिजा हासिल गरेको छ। विद्यालयका अनुसार परीक्षामा सहभागी सबै विद्यार्थीले राम्रो प्रदर्शन गरेका छन्।

यस वर्षको एसईईमा ऐस पब्लिक एकेडेमीबाट १३ जना विद्यार्थी सहभागी भएका थिए। तीमध्ये ३ जना विद्यार्थीले ए प्लस ग्रेड ल्याएका छन् भने १० जना विद्यार्थीले ए ग्रेड ल्याएका छन्। यो नतिजाले विद्यालयको शैक्षिक गुणस्तर र विद्यार्थीहरूको मेहनतलाई झल्काएको छ। विद्यालय प्रशासनले यस सफलताका लागि विद्यार्थी, शिक्षक र अभिभावकलाई धन्यवाद ज्ञापन गरेको छ।