बैतडी – बैतडीको दशरथचन्द नगरपालिका–१ स्थित मणिलेक माध्यमिक विद्यालय गुरुखोलाको विद्यालय व्यवस्थापन समिति अध्यक्षमा अमरबहादुर टेर चयन भएका छन् ।
अभिभावकहरुको भेलाबाट चयन भएका ४ जनासहित ७ जना सदस्यबाट टेरलाई अध्यक्षमा चयन गरेको हो । विद्यालय व्यवस्थापन समितिको अध्यक्ष चयनमा सहमति नभएपछि बुधबार निर्वाचन प्रक्रियाबाट अध्यक्ष चयन गरिएको विद्यालयका प्रधानाध्यापक एवम् समितिका सदस्य सचिव केशवदत्त भट्टले बताउनुभयो।
चार मत ल्याएर टेर विद्यालय व्यवस्थापन समितिको अध्यक्षमा निर्वाचित भएका उहाँले बताउनुभयो । विद्यालय व्यवस्थापन समितिको अध्यक्षमा चयन भएपछि टेरले विद्यालयको चौतर्फी विकासका लागि अहोरात्र खटिने प्रतिबद्धता व्यक्त गर्नुभएको छ । उहाँले सबैको सल्लाह, सुझाव अनुसार विद्यालयको विकासका लागि खटिने बताउनुभयो।
Discussion about this post