इन्डियन प्रिमियर लिग (आईपीएल) क्रिकेटमा आज लखनउ सुपर जायन्ट्स र सनराइजर्स हैदराबाद खेल्दैछन् ।
यो खेल लखनउको एकाना स्टेडियममा बेलुका पौने ८ बजे शुरू हुनेछ । हैदराबाद प्लेअफ होडबाट बाहिरिइसकेको छ । लखनउले भने बाँकी खेल जित्नुका साथै अन्य टोलीको नतिजामा पनि भर पर्नु पर्नेछ ।
लखनउ ११ खेलमा १० अङ्कसहित तालिकाको सातौं स्थानमा छ । हैदराबाद ११ खेलमा ७ अङ्कसहित आठौं स्थानमा छ । आईपीएलमा यी दुई टोलीबीच अहिलेसम्म ५ पकट भेट भएकोमा लखनउ ४ र हैदराबाद १ खेलमा विजयी भएको छ ।
गुजरात टाइटन्स, पन्जाब किङ्ग्स र राेयल च्यालेन्जर्स बेङ्गलुरु आईपीएलकाे प्लेअफमा पुगिसकेका छन् । यस्तै हैदराबादसहित काेलकाता नाइट राइडर्स, राजस्थान राेयल्स र चेन्नई सुपर किङ्ग्स प्लेअफ हाेडबाट बाहिरिइसकेका छन् ।
Discussion about this post