कञ्चनपुर – बैतडीको पाटन नगरपालिका-२, निनतोला सिलंगा स्थायी घर भई हाल कञ्चनपुरको वेदकोट नगरपालिका-२, बसन्थलामा बसोबास गर्दै आउनुभएकी ११ वर्षीया सिम्रन पन्तको स्वास्थ्य अवस्था गम्भीर बनेको छ। श्री सिद्धनाथ आधारभूत विद्यालय बसन्थलामा कक्षा ४ मा अध्ययनरत सिम्रनलाई ब्लड क्यान्सर भएको पुष्टि भएपछि हाल उनी चितवनस्थित वी.पी. कोइराला क्यान्सर अस्पतालमा उपचाररत छिन्।
सिम्रनको उपचारमा ठुलो धनराशि खर्च हुने भए पनि उनको परिवारको आर्थिक अवस्था अत्यन्त कमजोर छ। घरमा दुई आमा (इज्या) र बेरोजगारीको अवस्थाबिच उनकी जन्मदायिनी आमाले दैनिक गुजारा चलाउँदै आएकी छन्। छिमेकी र आफन्तबाट ऋण लिएर चैतको पहिलो साता अस्पताल भर्ना गरिएकी सिम्रनको उपचारका लागि अझै ठुलो रकम आवश्यक रहेको परिवारले जनाएको छ।
सिम्रनकी आमा बसन्ती पन्तले सिम्रनलाई आफ्नै छोरी, बहिनी, नातिनी वा आफन्तका बालबालिका सम्झेर सहयोग गरिदिन आग्रह गरेकी छन्। उनले आँसु झार्दै भनिन्, “मेरी छोरी अझै सानी छे। ऊ यो संसारमा बाँच्न, खेल्न र रमाउन पाउनुपर्छ। तर हाम्रो अवस्था यति कमजोर छ कि उपचार गर्न नसकेर उसलाई गुमाउनुपर्ने डर छ। म सबैसँग हात जोडेर अनुरोध गर्छु, सिम्रनलाई आफ्नै छोरी, बहिनी, नातिनी वा आफन्तका बालबालिका सम्झेर सहयोग गरिदिनुस्। तपाईँहरूको सानो सहयोगले मेरी छोरीले पुनर्जन्म पाउन सक्छे।”
सिम्रनका मामा पुष्कर राज भट्टले पनि सहयोगका लागि अपिल गरेका छन्। उनले भने, “सिम्रन हाम्रो परिवारको आशा र भरोसा हो। उनको उपचारका लागि हामीसँग स्रोत छैन। यो सङ्कटको घडीमा सबैको साथ पाएर उनको जीवन जोगाउन सकियोस् भन्ने आशा छ। तपाईँहरूको सानो सहयोगले हाम्री भान्जीको मुस्कान फर्काउन सकिन्छ।”
सिम्रनको स्वास्थ्य लाभको कामनासहित उनको जीवन रक्षाका लागि सबैमा हार्दिक अपिल गरिएको छ। सानो सहयोगले पनि एउटी बालिकाको जीवन जोगाउन सकिने परिवारको विश्वास छ।
सहयोग गर्न इच्छुक मनकारी व्यक्तिहरूले तल उल्लेखित बैङ्क खाता वा क्युआर कोडमार्फत सहयोग रकम पठाउन सक्नेछन्:
बैङ्कको नाम: एनआईसी एसिया
खाता नम्बर: 1855753286159001
खातावालाको नाम: Basanti Pant
Discussion about this post