नेपाल प्रिमियर लिग (एनपीएल) क्रिकेटमा चितवन राइनोजले जनकपुर बोल्ट्सलाई ३२ रनले हराएको छ । चितवनले दिएको एक सय ८१ रनको लक्ष्य पछ्याएको जनकपुर १८ ओभरमा एक सय ४८ रनमा अलआउट भयो ।
जनकपुरका जिमी नीशमले सबैभन्दा धेरै ६५ रन बनाए । ओपनर आशिफ शेखले २३ रन बनाए । चितवनका शोयल तनभिर, कुशल मल्ल र रजिन ढकालले समान दुई विकेट लिए । यस्तै अमर रौटेलाले एक विकेट लिए ।
त्यसअघि कीर्तिपुरको त्रिवि क्रिकेट मैदानमा टस जितेर पहिले ब्याटिङ गरेको चितवनले २० ओभरमा पाँच विकेट गुमाएर एक सय ८० रन बनायो । चितवनका कप्तान कुशल मल्लले सबैभन्दा धेरै ७२ रन बनाए । यस्तै रवि भोपाराले ४४ रन बनाए । जनकपुरका ललित राजवंशीले दुई विकेट लिए । यस्तै हर्ष थाकर, महोम्मद मोसिन र जिमी निशमले समान एक विकेट लिए ।
योे जीतसँगै चितवन राइनोजको प्लेअफमा पुग्ने सम्भावना बलियो भएको छ । चितवन सात खेलमा आठ अङ्कसहित चौथो स्थानमा छ । प्लेअफमा पुग्ने सम्भावना बलियो बनाएकाे काठमाण्डौकाे खेलमा छ अङ्कसहित तालिकाको पाँचौं स्थानमा छ । पोखरा छ खेलमा चार अङ्कसहित सातौं स्थानमा छ । चितवनको जीतसँगै पोखरा र विराटनगर प्रतियोगिताबाट बाहिरिएका छन् । जनकपुर बोल्ट्स एक खेलअघि नै क्वालिफायरमा पुगिसकेको छ ।
