कञ्चनपुर । नेकपा माओवादी केन्द्रका महासचिव देव गुरुङ्गले वर्तमान सरकारले संचालन गरेको भ्रष्टाचार बिरोधी अभियानले व्यवस्था बिरोधी समुह षड्यन्त्र रचिरहेको बताएका छन ।
माओवादी केन्द्रका अध्यक्ष पुष्कमल दाहाल (प्रचण्ड) नेतृत्वको सरकारले भ्रष्टाचार बिरोधी संचालन गरेको अभियानबाट अत्तालिएर व्यवस्था बिरोधी समुहले षड्यन्त्र गरिरहेको बताएका हुन ।
बिहीबार प्रेस सेन्टर नेपाल कञ्चनपुरले महेन्द्रनगरमा आयोजना गरेको पत्रकार सम्मेलनमा बोल्दै महासचिव गुरुङ्गले सरकार र व्यवस्था बिरुद्धमा विभिन्न षड्यन्त्र भईरहेको बताए । ‘वर्तमान सरकार सबै षड्यन्त्र चिरेर अघि बढ्छ, ‘महासचिव गुरुङ्गले भने, ‘अहिले सरकार बिरुद्धमा भईरहेका गतिबिधी व्यवस्था बिरोधी छन, तर पश्यगमनको कुनै सम्भावना छैन ।’
![World Link Ads](https://sudurpashimkhabar.com/wp-content/uploads/2023/09/Blue-And-White-Creative-modern-Grow-Your-Business-Leaderboard-Ad.gif)
![Mahakali Polytechnic](https://sudurpashimkhabar.com/wp-content/uploads/2024/06/महाकाली-बहुप्राविधिक-शिक्षालय.gif)
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
घोर पश्चगमन नारा दिएर केही बिखण्डनकारी समुह सकृय भईरहेको भन्दै महासचिव गुरुङ्गले धार्मिक विषय अघि सारेर मुद्दा उठान गर्दै आएको बताए । ‘मुलुक अग्रगमन दिशातर्फ उन्मुख भईरहेको छ, ‘महासचिव गुरुङ्गले भने, ‘केही बिखण्डनकारी तत्वहरु राष्ट्रियता बिरुद्धमा लागेका छन ।’
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)
महासचिव गुरुङ्गले गठबन्धनमा कुनै चुनौती नभएको बताउँदै मुलुकको सम्बृद्धिका लागि कम्युनिष्ट दल मात्रै नभई गैर कम्युनिष्ट पाटीसंगको सहकार्य आवश्यक रहेको बताए । समाजवादी मोर्चामा आधारभूत विषयमा एकमत भएको बताउँदै उनले पाटी एकतामा सबै कम्युनिष्ट दलविच एकता आवश्यक रहेको औल्याए ।
महासचिव गुरुङ्गले एनसेल प्रकरणमा सरकारले छानबिन गरिरहेको बताउँदै नेकपा महासचिव नेत्र विक्रम चन्द(विप्लव) सहितका नेता कार्यकर्ता पक्राउ प्रकरणको विषय राजनीतिक सहमतीय आधारमा टुङग्याउनुपर्ने बताए । महासचिव गुरुङ्गले माओवादीको विकल्प नभएको बताउँदै पाटी जनतासम्म पुगिररहेको बताए ।
![Purnagiri Ads](https://sudurpashimkhabar.com/wp-content/uploads/2023/07/Brown-Minimalist-Fashion-Leaderboard-Ad.gif)