कञ्चनपुर : सीमावर्ती कञ्चनपुरका उद्योगी व्यवसायीले सीमा नाका क्षेत्रमा सहज आवागमनको वातावरण बनाईदिनुपर्नेमा जोडदिएका छन । बिहीबार भारतको बनबासामा भएको नेपाल भारतका उद्योगी व्यवसायीसंगको छलफलमा नेपाल (कञ्चनपुर) का उद्योगी व्यवसायाीले सीमा क्षेत्रमा सहज आवागमन बनाईनुपर्नेमा जोडदिएका हुन । नेपाल भारत दुवै देशका नागरिकलाई बनबासा–गड्डाचौकीमा दुवै देशका सुरक्षा निकाय, कष्टम, ट्राफिक लगायतबाट अनावश्यक दुख दिने भन्दै उक्त विषयलाई सहजिकरण गर्नुपर्नेमा जोडदिएका हुन ।
कञ्चनपुर उद्योग वाणिज्य संघका अध्यक्ष पिताम्बर जोशी सीमा क्षेत्रमा जिम्मेबार निकायबाट हुने दुव्र्यवहार रोक्नुपर्ने बताए । ‘दुवै तर्फ दुवै देशका नागरिकका लागि सुरक्षित, सहज यात्रा गराउन भूमिका निर्वाह गराउनुपर्छ, ‘उनले भने, ‘चेकजाँचका नाममा दुख दिनु हुँदैन ।’
![World Link Ads](https://sudurpashimkhabar.com/wp-content/uploads/2023/09/Blue-And-White-Creative-modern-Grow-Your-Business-Leaderboard-Ad.gif)
![Mahakali Polytechnic](https://sudurpashimkhabar.com/wp-content/uploads/2024/06/महाकाली-बहुप्राविधिक-शिक्षालय.gif)
कञ्चनपुर उद्योग वाणिज्य संघका पुर्व अध्यक्ष तथा नेपाल उद्योग वाणिज्य महासंघका केन्द्रीय सदस्य जंग बहादुर मल्लले बनबासा–गड्डाचौकी सहज यात्रका लागि सिधै सवारी साधन मार्फत अघि बढाउनुपर्नेमा जोडदिए । ‘सीमा क्षेत्रमा दुवै तर्फ देखिएको लागु औषध नियन्त्रणमा विशेष अभियान चलाउनुपर्छ, ‘उनले भने, ‘दुवै तर्फका लागु औषधका तस्करमाथि सीमावर्ती क्षेत्रमा सुरक्षाकर्मीले नियन्त्रण गर्नुपर्छ ।’
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
कञ्चनपुर होटल व्यवसायी संघका अध्यक्ष जगदिशचन्द्र भट्टले गड्डाचौकी–बनबासा नाका सम्भावना बोकेको भएकाले दुवैबाट आपसी समझदारी अनुरुप अघि बढ्नुपर्नेमा जोडदिए । कञ्चनपुर वाणिज्य संघका सदस्य तथा युवा उद्यमी तेज बहादुर चन्दले बनबासा पुल खुल्ने अवधि बृद्धि गर्दै भारतीय कष्टमबाट नेपाली मजदुरबाट अनावश्यक अशुली बन्द गर्नुपर्ने सुझाव दिए ।
युवा उद्यमी महेश बोहराले भारतीय सीमा सुरक्षा बल(एसएसबी)ले चेकजाँचका नाममा अनावश्यक दुख दिने गरेको बताए । अर्का युवा उद्यम धर्म रावलले सीमावर्ती क्षेत्रमा मानविय व्यवहार आचरण सुधारमा जोडदिए । बनबासा व्यापार मण्डलका महासचिव अभिषेक गोयलले दुवै देशका उद्योगी, व्यवसायी एव आम सर्वसाधारणका लागि सहज वातावरणमा जोडदिए ।
भारतीय टनकपुरका अधिकारी अबिनाश बर्माले सीमावर्ती क्षेत्रमा अनाश्यक रकम सकलन गर्ने, बढि भाडा लिने दुव्र्यवहार मान्य नहुने भन्दै दुवै देशका नागरिकका लागि आवागमन सुरक्षित बनाईन पहल गरिने बताए । प्रस्तावित गड्डाचौकी सशस्त्र प्रहरी बलका गुल्मपती सशस्त्र प्रहरी नायब उपरीक्षक सुदन आचार्यले समेत दुवै सीमा क्षेत्रमा दुवै देशका नागरिकका लागि सहज यात्रा बनाउन वातावरण बनाईने बताए ।
![Purnagiri Ads](https://sudurpashimkhabar.com/wp-content/uploads/2023/07/Brown-Minimalist-Fashion-Leaderboard-Ad.gif)