इन्डियन प्रिमियर लिग (आईपीएल) क्रिकेटमा दिल्ली क्यापिटल्सले पञ्जाब किङ्ग्सलाई १५ रनले हराएको छ ।
गएराति धर्मशालामा भएको खेलमा २ सय १४ रनको लक्ष्य पछ्याएको पञ्जाबले निर्धारित २० ओभरमा ८ विकेट गुमाउँदै १ सय ९८ रन मात्रै बनायो । उसका लियाम लिभिङस्टोनले ९४ तथा अथर्व तैडेले ५५ रन बनाए पनि टोलीको हार टार्न सकेनन् ।
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
दिल्लीका इशान्त शर्मा र एनरिच नोर्कियाले समान २÷२ विकेट लिए । खलील अहमेद र अक्षर पटेलले एक÷एक विकेट लिए । त्यसअघि टस हारेर पहिला ब्याटिङ गरेको दिल्लीले निर्धारित २० ओभरमा २ विकेट गुमाउँदै २ सय १३ रन बनाएको थियो । उसका राइली रोसोउ सर्वाधिक ८२ रनमा अविजित रहे ।
![World Link Ads](https://sudurpashimkhabar.com/wp-content/uploads/2023/09/Blue-And-White-Creative-modern-Grow-Your-Business-Leaderboard-Ad.gif)
![Mahakali Polytechnic](https://sudurpashimkhabar.com/wp-content/uploads/2024/06/महाकाली-बहुप्राविधिक-शिक्षालय.gif)
त्यस्तै, पृथ्वी शाले ५४ र डेविड वार्नरले ४६ रन जोडे । पञ्जाबका साम करनले २ विकेट लिए । यो हारसँगै पञ्जाबको प्लेअफ सम्भावना अङ्क गणितीय मात्रै बाँकी रहेको छ । १३ खेलमा १२ अङ्क रहेको पञ्जाब तालिकाको आठौँ र समान खेलमा १० अङ्क रहेको दिल्ली नवौँ स्थानमा रहेको छ । उज्यालो अनलाइन बाट सभार
![Purnagiri Ads](https://sudurpashimkhabar.com/wp-content/uploads/2023/07/Brown-Minimalist-Fashion-Leaderboard-Ad.gif)