आईसीसी महिला टी–ट्वान्टी विश्वकपको फाइनल आज हुँदै छ। उपाधिका लागि दक्षिण अफ्रिका र अस्ट्रेलियाबीच प्रतिस्पर्धा हुँदैछ।
खेल केप टाउनमा नेपाली समयअनुसार साँझ पौने सात बजे सुरु हुनेछ। घरेलु टोली दक्षिण अफ्रिका महिला र पुरुष क्रिकेटको कुनै पनि फरम्याटको विश्वकप फाइनलमा पुगेको यो पहिलो पटक हो।
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
साविक विजेता अस्ट्रेलिया भने सातौँ पटक टी ट्वान्टी विश्वकप फाइनल खेल्दैछ। त्यसमध्ये उसले पाँच उपाधि जितेको छ। अस्ट्रेलियाले सेमिफाइनलमा भारतलाई ५ रनले पराजित गरेको थियो। दक्षिण अफ्रिकाले इंग्ल्यान्डलाई ६ रनले हराएको थियो।
![World Link Ads](https://sudurpashimkhabar.com/wp-content/uploads/2023/09/Blue-And-White-Creative-modern-Grow-Your-Business-Leaderboard-Ad.gif)
![Mahakali Polytechnic](https://sudurpashimkhabar.com/wp-content/uploads/2024/06/महाकाली-बहुप्राविधिक-शिक्षालय.gif)
अस्ट्रेलियाकी कप्तान मेग लेनिङले दुवै टिमलाई उत्तिकै दबाब हुने बताएकी छन्। दक्षिण अफ्रिकाकी कप्तान सेने लीले आफ्नो टिम इतिहास रच्न लालायित रहेको प्रतिक्रिया दिइन्।
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)
जारी प्रतियोगितामा यी दुई टोली दोस्रो पटक आमने–सामने हुँदैछन्। यसअघि समूह चरणमा अस्ट्रेलियाले दक्षिण अफ्रिकालाई ६ विकेटले पराजित गरेको थियो। थाहा खबर बाट सभार
![Purnagiri Ads](https://sudurpashimkhabar.com/wp-content/uploads/2023/07/Brown-Minimalist-Fashion-Leaderboard-Ad.gif)