बैतडीको बाइम गाउँमा बिजुली बलेको छ । उज्यालो बाट टाढा रहेको जिल्लाको डिलाशैनी गाउँपालिका वडा नं ७ को बाइम गाउँमा मंगलबार रातिबाट बिजुली बलेको हो ।
गाउँ विद्युतिकरण भएपछि स्थानीय हर्षित भएका छन् । नेपाल विद्युत प्राधिकरणको केन्द्रिय प्रशारण लाइन गाउँमा पुगेपछि नागरिकहरु हर्षित भएका स्थानीय प्रदिप जोशीले बताए । बाइम गाउँका घरघरमा बिजुली बलेको उनले बताए ।
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
धामी गाउँ सम्म पुगेको बिजुली बाइम गाउँमा पनि विस्तार भएपछि अहिले यहाँका नागरिकहरुको मुहारमा खुसियालि छाएको उनको भनाई छ । डिलाशैनी सरकारको पहल र सहयोगमा गाउँमा बिजुली पुगेको उनले बताए । यस अघि विद्युतीकरणका लागि बाइम गाउँका स्थानीयहरुले पोल बोकेका थिए ।
![World Link Ads](https://sudurpashimkhabar.com/wp-content/uploads/2023/09/Blue-And-White-Creative-modern-Grow-Your-Business-Leaderboard-Ad.gif)
![Mahakali Polytechnic](https://sudurpashimkhabar.com/wp-content/uploads/2024/06/महाकाली-बहुप्राविधिक-शिक्षालय.gif)
आफ्नो गाउँमा विद्युतीकरणका लागि गत कार्तिकमा आफुहरुले जनश्रमदानमा पोल बोकेका र अहिले बत्ति बल्दा खुसि लागेको स्थानीय बिरेन्द्र जोशीले बताए । गाउँपालिकाले उज्यालो डिलाशैनी अभियान अन्तर्गत पालिका भित्र विद्युत विस्तार कार्य गरिरहेको छ । सगुन खबर बाट सभार
![Purnagiri Ads](https://sudurpashimkhabar.com/wp-content/uploads/2023/07/Brown-Minimalist-Fashion-Leaderboard-Ad.gif)