भारतीय लोकसभा चुनावको मिति तोकेसँगै त्यहाँका राजनीतिक दलका नेताहरुले विवादित अभिव्यक्ति दिन थालेका छन् ।
राजनीतिक दलहरु एक अर्काप्रति आरोप–प्रत्यारोपमा उत्रिएका छन् । यसैक्रममा आम आदमी पार्टीकी नेतृ तथा दिल्ली विधानसभा सदस्य अल्का लाम्बाले भारतीय प्रधानमन्त्री नरेन्द्र मोदीप्रति कटाक्ष गर्दा नेपाल र नेपाली नागरिकप्रति आपत्तिजनक अभिव्यक्ति दिएकी छिन् । उनले ट्विटरमा मोदीलाई कटाक्ष गर्दै लेखेकी छिन्, ‘प्रिय, भारतवासी, यो पटक प्रधानमन्त्री नै चुन्नुहोला । चौकीदार त नेपालबाट पनि मगाउन सकिन्छ । नेपालका चौकीदार चोर हुँदैनन् ।’
प्रिय #भारतवासियों
“कृप्या इस बार #प्रधानमंत्री चुनियेगा,#चौकीदार तो #नेपाल से भी मंगवा सकते हैं”.नेपाल के #चौकीदार #चोर नही होते ;).#LokSabhaElections2019
— Alka Lamba (@LambaAlka) 12 March 2019
अल्का लाम्बाको यो ट्वीटप्रति धेरैले नेपाल र नेपालीप्रतिको अपमानजनक र विवादित अभिव्यक्तिका रुपमा लिएका छन् ।
![Mahakali Polytechnic](https://sudurpashimkhabar.com/wp-content/uploads/2024/08/Mahakali.gif)
हमारे देश का प्रधानमंत्री जब से खुद को चौकीदार कहने लगा है,तब से नेपाल के लोगों को चौकीदार शब्द गाली लगने लगा है,जब कि चौकीदार शब्द में एक विश्वास-भरोसा छुपा है,यूँ ही नही कोई अपना सब कुछ किसी को सौप पर चैन से सोता है,
फ़र्जी नेपाली ही भक्तों वाली भाषा बोल सकते हैं।
चिंता नही:). https://t.co/Cvs21BkuEp— Alka Lamba (@LambaAlka) 12 March 2019
अल्का लाम्बाले फेरि अर्काे एक ट्वीट गर्दै जबदेखि भारतीय प्रधानमन्त्री माेदीले आफूलाई चाैकीदार भन्न लागे त्यसबेलादेखि नेपालीलाई चाैकीदार शब्द गाली लाग्न थालेकाे बताएकी छिन् ।
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
भारतीय प्रधानमन्त्री नरेन्द्र मोदीले विभिन्न सभामा आफू भारतको चौकीदार भएको बताउँदै आफूले चोरी नगर्ने अभिव्यक्ति दिएका थिए ।
मोदीको यो अभिव्यक्तिलाई भारतीय कांग्रेसका अध्यक्ष राहुल गान्धीले मोदीप्रति लक्षित गर्दै ‘देशको चौकीदार चोर’ भएको अभिव्यक्ति दिएका थिए । त्यसपछि भारतीय प्रधानमन्त्री नरेन्द्र मोदीले निरव मोदीलगायतका व्यापारीलाई भारतबाहिर भगाउन सहयोग गरेको भन्दै आलोचना गर्दै आएका छन् ।
अल्का लाम्बा लामो समय भारतीय कांग्रेसको विभिन्न पदमा रहेर राजनीतिमा सक्रिय रहेकी थिइन् । उनी सन् २०१४ मा कांग्रेस परित्याग गरी आम आदमी पार्टीमा आवद्ध भएकी थिइन् । सन् २०१५ मा भएको दिल्ली विधानसभा चुनावमा आम आदमी पार्टीका तर्फबाट चाँदनी चोक सिटबाट निर्वाचित भएकी थिइन् ।
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)