काठमाडौँ । नेपाल कम्युनिष्ट पार्टी (एकीकृत समाजवादी) र बामदेव गौतम नेतृत्वको नेकपा राष्ट्रिय एकता अभियानबीच आज एकता हुदैछ ।
राष्ट्रिय सभामा हुने एकीकरणको तयारी पुरा भएको एकीकृत समाजवादीले जनाएको छ । एकता सभाको कार्यसूची तथा नेताहरूको वरियताक्रम व्यवस्थापन कार्यसम्पन्न भएको छ ।
कार्यक्रममा एकीकृत समाजवादीका अध्यक्ष माधवकुमार नेपाल, पूर्वप्रधानमन्त्री झलनाथ खनाल तथा नेकपा एकता राष्ट्रिय अभियानका अध्यक्ष वामदेव गौतमले सम्बोधन गर्ने कार्यक्रम तय गरिएको छ ।
एकता पछि एकीकृत समाजवादीमा अध्यक्ष नेपाल, सम्मानित नेता खनालपछि नेता गौतमको मर्यादाक्रम रहने गरि सहमति भएको छ ।
Discussion about this post