कञ्चनपुर – कार्यसम्पादनमा उत्कृष्ट काम गरेको भन्दै बरिष्ठ प्रहरी उपरीक्षक (एसएसपी) दिल्लीराज विष्ट दुई प्रदेशमा कार्यरत रहँदा दुबै पटक सम्मानित भएका छन् । नेपाल प्रहरी प्रदेश कार्यालयमा कार्यरत रहँदा आर्थिक वर्ष २०७९-०८० मा कर्णाली प्रदेश प्रहरी कार्यालयबाट नगद पुरस्कार सहित सम्मानित भएका एसएसपी विष्ट हालै ०८०-०८१मा पनि सम्मानित भएका छन् ।
प्रहरी कर्मचारीहरूले संगठनको नीति निर्देशन अनुरूप अनुशासित र कर्तव्यनिष्ठ तवरले विभागीय अर्डर आदेशको पालना गर्नुका साथै आफूलाई दिइएको जिम्मेवारी पूर्ण इमान्दारी, बफादारी, प्रसंशनीय तथा अनुकरणीय तवरले कार्यसम्पादन गरेको भन्दै चालु आर्थिक वर्षमा समेत सुदूरपश्चिम प्रदेश प्रहरी कार्यालयबाट सम्मानित भएका हुन् ।
२०५१ साल चैत्र ५ गते नेपाल प्रहरीमा सेवा प्रवेश गरेका विष्ट ०७२ सालमा एसपीमा बढुवा भएका थिए भने ०७९ साल साउनमा एसएसपीमा बढुवा हुनुभएको थियो । इन्स्पेक्टर र डीएसपी पदमा कार्यरत रहँदा एसएसपी विष्ट चुनौतीपूर्ण स्थान क्षेत्रहरूमा काम गरिसकेकोले कार्य दक्षतामा राम्रो भएको इमानदार अधिकृत मानिन्छन् ।
एसएसपी विष्ट इन्स्पेक्टर र डीएसपी हुँदा अति चुनौतीपूर्ण स्थानहरूमा दक्षतापूर्ण हिसाबले उत्कृष्ट काम गरि धेरै पटक पुरस्कृत भइसक्नुभएका छ ।
देशमा विभिन्न समयमा विषम परिस्थितिमा चुनौतीपूर्ण स्थानमा खटिएर दक्षता समेत देखाएका प्रहरी अधिकृत हुन्। एसएसपी बिष्ट हाल सुदूरपश्चिम प्रदेश प्रहरी कार्यालय अपराध नियन्त्रण तथा अनुसन्धान महाशाखा धनगढी कैलालीमा कार्यरत हुनुहन्छ ।
Discussion about this post