अर्कै ढंगले अदालत प्रयोग हुने स्थिति बन्यो भने कुनै संस्था बाँकी रहँदैन : केपी शर्मा ओली

नेकपा (एमाले) का अध्यक्ष केपी शर्मा ओलीले संविधान अनुसार होइन अर्कै ढंगले अदालत प्रयोग हुने स्थिति बन्यो भने कुनै संस्था पनि बाँकी नरहने बताएका छन्। जनादेशबाट लोकतान्त्रीक ढंगले सरकार बन्ने, सरकार भत्कने, अर्को सरकार बन्ने स्वभाविक प्रक्रियाहरु रहेको बताउँदै पूर्व प्रधानमन्त्री ओलीले अर्कै ढंगले अदालत प्रयोग हुने स्थिति बन्न नहुनेमा जोड दिएका छन्।

निस्पक्ष रहनु पर्ने, निस्पक्ष न्यायपाइन्छ भनेर आम जनताले विश्वास गर्नु पर्ने सर्वोच्च न्यायलयका न्यायधिशहरु आफै हड्तालमा उत्रेको र सर्वोच्च अदालतको प्राङ्गणमा बसेर बेन्च तर्फ फर्केर भित्र बसेका न्यायधिशहरुलाई भ्रष्टाचारी आदि भनेर तथानाम गाली गरेको दुनियाले तमासा हेर्नु परेको पनि उनले सुनाए। यस्तो खालको एउटा दुःखद स्थिति हामीले देख्नु पर्यो उनले भने।

पोखरामा सोमबार मानव अधिकार एलायन्सको पाँचौ राष्ट्रिय महाअधिवेशनको उद्घाटन गर्दै ओलीले राजनीतिको सिमित उद्देश्य पुरा गर्न राष्ट्रिय मानव अधिकार आयोगलाई प्रयोग गर्न नहुनेमा पनि जोड दिए। आफू सरकारमा हुँदा मानव अधिकारको कही कतै छिसिक्क उल्लङघन नहुँदा पनि आप्नो विरोधीहरुले मानव अधिकारको उलंघन भनेर असाध्य धेरै हल्ला मच्चाएको बताए।

यस्तो अवस्था आउनु वैचारिक हिसावले नै परिवर्तनकारी शक्ति विरोधी प्रतिक्रियावाधी चिन्तनको भएको देखिएको बताए। नेपालको मानवअधिकार आयोग अन्तर्राष्ट्रिय मञ्चमा गएर नेपालको जस्तो राम्रो स्थिति छ त्यसलाई बिकृतरुपमा प्रस्तुत गर्न नहुनेमा बिकृतरुपमा प्रस्तुत गरेको पनि पूर्व पूधानमन्त्री ओलीले सुनाए। हाम्रो देशका मानवअधिकार आयोगले भएको भन्दा पृथक नेपाल र नेपालीको हितमा होइन नेपाली जनताको मानवअधिकारको हितको पक्षमा होइन अरु कसैको हितका निम्ती हाम्रो सरकारलाई बदनाम गरेको उनले बताए।

त्यस प्रयोजनकालागि मानवअधिकार आयोगका केही सदस्यहरु लागेको उनले सुनाए। त्यती बेलाका मानवअधिकार आयोगका सदस्य दक्षिणपन्थी र राजनीतिक हिसाबले पूर्वाग्रहपूर्ण ढंगले आप्नो सरकार विरुद्ध कसैको राजनीतिक स्वार्थ बोकेको पनि उनले सुनाए। यसो नगर्न आफूले बोलाएर आग्रह गरेको पनि उनले बताए। मानव अधिकार अयोग भनेको देशको संवैधानिक अयोग हो। नेपाली जनताले तिरेको करबाट तलब लिनुहुन्छ, मानसम्मान पाउनुहुन्छ, संविधानले तपाईहरुको अधिकारको व्यवस्था गरे छ। त्यस्तो सम्मानित संस्था हो तर तपाईहरु देशको बदनाम गर्न, झुटो अफवाह फैलाउन र देशको विरुद्ध काम गर्न किन क्रियासिल हुनु भयो उनले प्रश्न गरे। कृष्णमणि बरालले अन्नपूर्ण पोस्टमा लेखेका छन्।