काठमाडौं । तिहारको लामो सार्वजनिक बिदापछि आजदेखि नेपाल स्टक एक्सचेन्ज (नेप्से) मा सेयर कारोबार पुनः सुरु हुँदैछ। कात्तिक २२ गतेदेखि २६ गतेसम्म बन्द रहेको सेयर बजार आज बिहान ११ बजेदेखि नियमित रूपमा सञ्चालन हुनेछ।
तर, भोलि शनिबार र आइतबार सार्वजनिक बिदा परेकाले यस साता आज एक दिन मात्रै सेयर कारोबार हुनेछ। सोमबारदेखि भने नेप्सेको नियमित साप्ताहिक कारोबार सञ्चालन हुनेछ।
तिहारअघि अन्तिम पटक कात्तिक २० गते भएको कारोबारमा नेप्से परिसूचक सामान्य अंकले बढेर बन्द भएको थियो।
उक्त दिन ३३६ वटा स्क्रिप्सको १ करोड ७ लाख १३ हजार ८४२ कित्ता सेयर कारोबार भएको थियो। कुल ३ अर्ब ४६ करोड २० लाख ५९ हजार ३२३ रुपैयाँ बराबरको सेयर खरिदबिक्री भएको थियो।
Discussion about this post