काठमाडौँ – नेपाल प्रिमियर लिग (एनपीएल) अन्तर्गत आज दुई खेल हुँदैछन्।
त्रिवि क्रिकेट मैदानमा दिउँसो साढे १२ बजे हुने पहिलो खेलमा जनकपुर बोल्ट्स र लुम्बिनी लायन्स भिड्नेछन्। लुम्बिनी ५ अङ्कसहित तालिकाको शीर्ष स्थानमा छ भने जनकपुर ४ अङ्कसहित चौथो स्थानमा छ।
यस्तै, आजै साँझ ५ बजे हुने दोस्रो खेलमा विराटनगर किङ्ग्स र काठमाडौँ गोर्खाजबीच प्रतिस्पर्धा हुनेछ। विराटनगर ४ अङ्कसहित दोस्रो स्थानमा छ भने काठमाडौँ २ अङ्कसहित सातौँ स्थानमा रहेको छ।
आठ टोली सहभागी एनपीएलको तेस्रो संस्करण आउँदो मङ्सिर ५ गतेसम्म सञ्चालन हुनेछ। लगातार तीन खेलमा पराजित पोखरा एभेन्जर्स तालिकाको पुछारमा रहेको छ।
Discussion about this post