काठमाडौं । भोटेकोशी बाढीमा बेपत्ता भएकाका परिवारले डीएनए परीक्षणको रिपोर्ट पर्खँदै दुई महिना बिताएका छन्। आफन्तको अवस्था थाहा नहुँदा परिवारजन अन्योल र पीडामा छन्।
नेपालगञ्ज उपमहानगरपालिका–२० थपुवाका अनलाल रोकायका दाजु शेरसिंह रोकाय, भाउजु विष्णुमती रोकाय र १९ वर्षीय भतिज दीपक रोकाय भोटेकोशी बाढीमा बेपत्ता भएका थिए। दुई महिना बितिसक्दा पनि उनीहरूको अवस्था पत्ता लाग्न सकेको छैन।
अनलालले बेपत्ता आफन्तको शव पहिचान हुने आशामा नेपालगञ्जस्थित भेरी अस्पतालमा डीएनए परीक्षणका लागि नमुना दिनुभएको थियो। तर, रिपोर्ट नआउँदा सामाजिक संस्कारसमेत गर्न नसकेको उहाँले बताउनुभयो। उहाँले सरकारले डीएनए रिपोर्ट र बेपत्ताबारे आधिकारिक जानकारी दिनुपर्ने माग गर्नुभएको छ।
जिल्ला प्रहरी कार्यालय बाँकेका अनुसार नेपालगञ्जमा १६ जना आफन्तको डीएनए नमुना सङ्कलन गरी नेपाल प्रहरीको केन्द्रीय विधि विज्ञान प्रयोगशालामा पठाइएको छ। अन्य आफन्तको काठमाडौं र चितवनका अस्पतालमा नमुना सङ्कलन गरिएको छ।
Discussion about this post