काठमाडौं । इजरायलमा आज आमचुनाव हुँदैछ। चुनावमा वर्तमान प्रधानमन्त्री बेन्जामिन नेतान्याहुलाई विपक्षी नेता गादी आइजेनकोटले चुनौती दिनुभएको छ।
लामो समय इजरायली सेनामा बिताउनुभएका आइजेनकोट पछिल्लो समय राजनीतिमा सक्रिय हुनुहुन्छ। नेतान्याहुको विकल्प खोजिरहेका मतदातामाझ उहाँले मध्यमार्गी पार्टी ‘याशर’को नेतृत्व गरिरहनुभएको छ।
अन्तर्राष्ट्रिय सञ्चारमाध्यमका अनुसार चुनावअघि सार्वजनिक मत सर्वेक्षणमा आइजेनकोट नेतान्याहुभन्दा चार सिटले अगाडि देखिनुभएको छ। यसले इजरायलको राजनीतिक भविष्यबारे चासो बढाएको छ।
इजरायली संसद् नेसेटमा कुल १२० सिट छन्। सरकार गठन गर्न कम्तीमा ६१ सांसदको समर्थन आवश्यक पर्छ। इजरायलमा मतदाताले उम्मेदवारभन्दा राजनीतिक दललाई मत दिने व्यवस्था छ। दलहरूले प्राप्त गरेको मतको अनुपातका आधारमा संसद्मा सिट बाँडफाँट गरिन्छ।
अमेरिकी राष्ट्रपति डोनाल्ड ट्रम्प र नेतान्याहुबीच लामो समयदेखि राजनीतिक सहकार्य रहँदै आएको छ। इरानमाथिको पछिल्लो आक्रमणमा समेत दुई नेताबीच सहकार्य भएको बताइएको छ।
Discussion about this post