काठमाडौँ । आईसीसी विश्वकप क्रिकेट लिग–२ अन्तर्गत त्रिदेशीय एकदिवसीय शृङ्खलामा नेपालले आज घरेलु टोली ओमानसँग प्रतिस्पर्धा गर्दैछ। खेल नेपाली समयअनुसार बिहान सवा ११ बजे अल अमिरातमा सुरु हुनेछ।
नेपालले अघिल्लो खेलमा क्यानडालाई २४ रनले हराएको थियो। उक्त खेलमा कप्तान रोहित पौडेलले शतकीय पारी खेल्दै १०१ रन बनाएका थिए।
एकदिवसीय अन्तर्राष्ट्रिय मान्यता जोगाउन नेपालले शीर्ष ६ भित्र रहनुपर्नेछ। हाल नेपाल ३३ खेलबाट २६ अंकसहित तालिकाको छैटौँ स्थानमा छ भने ओमान २९ खेलबाट ३३ अंकसहित चौथो स्थानमा रहेको छ।
Discussion about this post