वीरेन्द्रनगर : कर्णाली प्रदेश सरकारमा नेकपाबाट तीनजना महिला मन्त्री नियुक्त भएका छन् । प्रदेश प्रमुख यज्ञराज जोशीले नवनियुक्त मन्त्रीहरूलाई पद तथा गोपनीयताको शपथ खुवाएका हुन्।
प्रदेश प्रमुखको कार्यालयमा आयोजित समारोहमा भौतिक पूर्वाधार तथा सहरी विकासमन्त्रीमा मिलन खड्का,उद्योग,पर्यटन,वन तथा वातावरणमन्त्रीमा कल्याणी खड्का र भूमि व्यवस्था, कृषि तथा सहकारी मन्त्रीमा जुम्कित लामाले पद तथा गोपनीयताको शपथ लिएका छन् । तीनैजना मन्त्री समानुपातिक कोटाबाट सांसद बनेका हुन् ।
तीन मन्त्रीको नियुक्तिसँगै कर्णाली प्रदेश सरकारले पूर्णता पाएको छ । नयाँ मन्त्रीहरूले सम्बन्धित मन्त्रालयको जिम्मेवारी सम्हाल्दै प्रदेशको विकास,सेवा प्रवाह तथा जनजीविकासँग जोडिएका विषयलाई प्राथमिकतामा राख्ने बताएका छन् ।
Discussion about this post