काठमाडौं । उद्योग, वाणिज्य तथा आपूर्ति मन्त्री गौरी यादवले टेकुस्थित ग्यास वितरण डिपोको अनुगमन गर्दै कीर्तिपुर क्षेत्रमा बस्ने विद्यार्थीलाई लक्षित गरी ग्यास वितरण गर्न निर्देशन दिएकी छन्।
शनिबार डिपोको अनुगमनका क्रममा मन्त्री यादवले कीर्तिपुर शैक्षिक केन्द्र भएकाले ठूलो सङ्ख्यामा विद्यार्थी डेरा गरी बस्ने गरेको भन्दै उनीहरूलाई ग्यासको अभाव हुन नदिन सबै ग्यास वितरक कम्पनीलाई सचेत गराएकी हुन्।
उपभोक्ताको गुनासो तथा बजारको वास्तविक अवस्था बुझ्न मन्त्री यादव आफैं डिपो पुगेकी उनको सचिवालयले जनाएको छ। उनले ग्यासको सहज आपूर्ति र वितरणमा ध्यान दिन सम्बन्धित व्यवसायी तथा वितरकलाई निर्देशन दिएकी छन्।
Discussion about this post