फिफा विश्वकप फुटबलको नकआउट चरणमा आज र भोलि युरोपेली दिग्गज टोलीबीच रोमाञ्चक खेलहरू हुँदैछन्।
आज राति पौने १ बजे अमेरिकाको लस एन्जलस रङ्गशालामा स्पेन र अस्ट्रिया भिड्नेछन्। स्पेन समूह ‘एच’ को विजेता र अस्ट्रिया समूह ‘जे’ को उपविजेताका रूपमा नकआउट चरणमा पुगेका हुन्।
यस्तै भोलि बिहान पौने ५ बजे क्यानडाको टोरन्टो रङ्गशालामा पोर्चुगल र क्रोएशिया खेल्नेछन्। पोर्चुगल समूह ‘के’ को उपविजेता र क्रोएशिया समूह ‘एल’ को उपविजेताका रूपमा नकआउटमा पुगेका हुन्।
भोलि बिहानै पौने ९ बजे स्विट्जरल्यान्ड र अल्जेरिया पनि आमनेसामने हुनेछन्। यी खेलहरूसँगै नकआउट चरण थप रोमाञ्चक बनेको छ।
हालसम्म १० टोली प्रिक्वाटरफाइनलमा प्रवेश गरिसकेका छन्। विभिन्न खेलहरूमा ब्राजिल, फ्रान्स, अमेरिका, बेल्जियम, इंग्ल्यान्ड लगायतका टोलीले एकअर्कासँग प्रतिस्पर्धा गर्ने तय भएको छ।
Discussion about this post