तनहुँ जलविद्युत् आयोजनाको ७५ प्रतिशत भौतिक प्रगती पूरा

तनहुँ – १४० मेगावाट क्षमताको तनहुँ जलविद्युत् आयोजना ७५ प्रतिशत भौतिक प्रगति पूरा भएको छ । तनहुँको ऋषिङ गाउँपालिका–१ झापुटारमा निर्माणाधीन आयोजनामा पहिलो चरणअन्तर्गत बाँधलगायत संरचना ९हेडवर्क्स०, दोस्रो चरणमा मुख्य सुरुङ, विद्युतगृह तथा सम्बन्धित उपकरणहरू र तेस्रो चरणमा दमौली–भरतपुर २२० केभी प्रसारण लाइन निर्माणको काम भइरहेको आयोजना प्रमुख श्यामजी भण्डारीले जानकारी दिनुभयो ।

विद्युत् गृह, केवल सुरुङ, सर्ज ट्याङ्क, टेलरेस लगायत संरचनाहरूको मुख्य कङ्क्रिटिङ कार्य सम्पन्न भइसकेको छ भने यस प्याकेजको प्रगति ७६ प्रतिशत पुगेको छ । आयोजनाको कुल लागत ९प्रसारण लाइन, ग्रामीण विद्युतीकरण तथा निर्माण अवधिको ब्याज समेत० ५० करोड ५० लाख अमेरिकी डलर अनुमान गरिएको छ ।

यसमध्ये एशियाली विकास बैंक ९एडीबी०ले १५ करोड, जापान अन्तरराष्ट्रिय सहयोग नियोग ९जाइका०ले १८ करोड ४० लाख, युरोपियन लगानी बैंकले ८ करोड ५० लाख र नेपाल सरकार तथा नेपाल विद्युत् प्राधिकरणले ८ करोड ६० लाख अमेरिकी डलर लगानी गर्ने व्यवस्था गरिएको छ ।

यसैबीच, १३२ केभी क्षमताको म्याग्दी ‘कोरिडोर’ प्रसारण लाइन आयोजना निर्माण कार्य पनि शुरू भएको छ । म्याग्दी नदीमा निर्माणाधीन तीन जलविद्युत् आयोजनाबाट उत्पादित विद्युत् राष्ट्रिय प्रणालीमा जोड्न ‘डबल’ र ‘मल्टी’ सर्किट प्रसारण लाइन निर्माण थालिएको हो ।

धवलागिरि गाउँपालिका–४ जेल्तुङदेखि वडा नं ३ र ७ हुँदै मालिका गाउँपालिका–७ स्थित डाँडाखेत सबस्टेसनसम्म १६।४८ किलोमिटर लामो प्रसारण लाइन निर्माण गरिनेछ । यस आयोजनाबाट कुल १६४।७५ मेगावाट विद्युत् राष्ट्रिय प्रसारण प्रणालीमा थपिने हाइड्रो इम्पाएरका सञ्चालक पूर्णबहादुर पुनले जानकारी दिनुभयो । उज्यालो अनलाइन