महेन्द्रनगरमा ‘थर्ड आई करियर डेभलपमेन्ट सेन्टर’ सञ्चालनमा, लोकसेवा तयारीका लागि अब काठमाडौँ जान नपर्ने

कञ्चनपुर । सुदूरपश्चिमका युवाहरूलाई लक्षित गरी लोकसेवा तयारी गराउने उद्देश्यका साथ महेन्द्रनगरमा ‘थर्ड आई करियर डेभलपमेन्ट सेन्टर’ सञ्चालनमा आएको छ।

विशेषगरी लोकसेवाका साथै नेपाल प्रहरी जवान, सशस्त्र प्रहरी जवान र नेपाली सेनाको सैन्य पदका लागि लोकसेवा तयारी कक्षाहरू सञ्चालन गर्ने गरी यो केन्द्र स्थापना गरिएको हो। विगत १० वर्षदेखि अध्यापन गराइरहेका अनुभवी र विषय विशेषज्ञ प्रशिक्षकहरूद्वारा यहाँ कक्षाहरू सञ्चालन गरिने जनाइएको छ।

सेन्टरका सञ्चालक चेत राज पन्तका अनुसार अब सुदूरपश्चिमका पहाडी जिल्ला र स्थानीय विद्यार्थीहरूले लोकसेवा तथा सुरक्षा निकायको तयारीका लागि महँगो खर्च गरेर काठमाडौँ धाउनुपर्ने बाध्यता अन्त्य भएको छ। “हामीले धनगढीमा झण्डै ६०० भन्दा बढी विद्यार्थीलाई अध्यापन गराइरहेका छौँ र हालसम्म ६ हजारभन्दा बढी विद्यार्थीहरूलाई सफल बनाइसकेका छौँ,” सञ्चालक पन्तले भन्नुभयो, “नेपालभरिमै सबैभन्दा धेरै परीक्षार्थी सफल गराएको अनुभवका साथ अब हामीले महेन्द्रनगरमा पनि उत्कृष्ट सेवा सुरु गरेका हौँ।”

सेन्टरले जेहेन्दार विद्यार्थीहरूका लागि विशेष छात्रवृत्तिको समेत व्यवस्था गरेको छ। प्रवेश परीक्षामा उत्कृष्ट अंक ल्याउने १५ जना विद्यार्थीलाई पूर्ण छात्रवृत्ति प्रदान गरिने संस्थाले जनाएको छ।

साथै, आफ्नो भविष्य र करियरका विषयमा अन्योलमा रहेका युवाहरूलाई लक्षित गरी सेन्टरले निःशुल्क करियर काउन्सिलिङ (परामर्श) समेत प्रदान गरिरहेको छ।