कञ्चनपुर। किसान बहुउद्देश्यीय सहकारी संस्था लिमिटेडले आफ्नो एक सदस्यको निधनमा शोक व्यक्त गर्दै परिवारलाई राहत रकम हस्तान्तरण गरेको छ। संस्थाको दैजी शाखाका सदस्य सिता चौधरी डंगौराको असामयिक निधन भएकोमा संस्थाले दुःख व्यक्त गरेको हो।
संस्थाको ‘सदस्य सुरक्षण कार्यक्रम’ अन्तर्गत मृतकका परिवारलाई राहत स्वरूप रु ३,३२,६९८ (तीन लाख बत्तीस हजार छ सय अन्ठानब्बे) उपलब्ध गराइएको छ। शुक्लाफाँटा इलाका प्रमुख जयशंकर न्यौपानेको सभाध्यक्षतामा आयोजित एक कार्यक्रमका बीच उक्त रकम हस्तान्तरण गरिएको हो। कार्यक्रममा वेदकोट नगरपालिकाका नगर प्रवक्ता एवम् वडा नम्बर -५ का वडा अध्यक्ष चित्र देव भट्टको प्रमुख रहनुभएको थियो।
त्यस्तै दिवंगत सदस्यको स्मृतिमा लिचीको बिरुवा समेत रोपण गरिएको छ।
दैजी शाखा प्रमुख अनिल चौधरीले संस्थाका सदस्यहरूको दुःखमा साथ दिन र उनीहरूको परिवारलाई आर्थिक सुरक्षा प्रदान गर्न सहकारी सधैँ तत्पर रहने बताउनुभयो।
संस्थाले दिवंगत आत्माको चिर शान्तिको कामना गर्दै शोकाकुल परिवारजनमा धैर्य धारण गर्ने शक्ति मिलोस् भनी गहिरो समवेदना समेत प्रकट गरेको छ। कार्यक्रममा सहकारीका प्रतिनिधि, स्थानीय जनप्रतिनिधि र सरोकारवालाहरूको उपस्थिति रहेको थियो।
Discussion about this post