युवा उद्यमशीलता प्रवर्द्धनका लागि एनवाइइफ कञ्चनपुर च्याप्टर गठन

कञ्चनपुर । नेपालिज यंग इन्टरप्रेनर्स फोरम (NYEF) को कञ्चनपुर च्याप्टर गठन गरिएको छ। युवालाई उद्यमशीलता, नेतृत्व र व्यवसायिक सञ्जालमार्फत सशक्त बनाउने उद्देश्यसहित कञ्चनपुरमा एनवाइइफको च्याप्टर गठन गरिएको हो।

गठन भएको कञ्चनपुर च्याप्टरको अध्यक्षमा रेशम भट्ट चयन भएका छन्। यस्तै, पुरन पाण्डे प्रथम उपाध्यक्ष र मनोज कुमार जोशी द्वितीय उपाध्यक्षमा चयन भएका छन्। कार्यसमिति सदस्यहरूमा निरञ्जन लामिछाने, धिरज चन्द, महेश जोशी, सौरभ बोहरा, महेश पाण्डे, अनमोल सुनुवार र गौरव अवस्थी चयन भएका छन्।

नवगठित कार्यसमितिले कञ्चनपुरमा उद्यमशील सोचको विकास, युवा व्यवसायीबीच सहकार्य, नवप्रवर्तन प्रवर्द्धन तथा स्थानीय आर्थिक गतिविधि सशक्त बनाउने लक्ष्य लिएको छ। च्याप्टरमार्फत युवालाई स्टार्टअप, लगानी, सीप विकास र व्यवसायिक नेटवर्किङमा जोड्ने कार्यक्रमहरू सञ्चालन गरिने जनाइएको छ।

कञ्चनपुर च्याप्टर गठनसँगै जिल्लाका युवा उद्यमीहरूको आवाज सशक्त बन्ने अपेक्षा गरिएको छ।