वल्र्डलिंकको ‘सिक्स-जी’ सेवा सार्वजनिक, ४० प्रतिशत बढी कभरेज र चार गुणा तीव्र गति

कञ्चनपुर। नेपालको सबैभन्दा ठूलो इन्टरनेट सेवा प्रदायक वल्र्डलिंक कम्युनिकेसन्स लिमिटेडले नयाँ पुस्ताको ‘वल्र्डलिंक सिक्स-जी’ सेवा सार्वजनिक गरेको छ। कम्पनीले वाईफाई सिक्स प्रविधिमा आधारित अत्याधुनिक राउटरमार्फत इन्टरनेट सेवा अझ तीव्र, स्थिर र व्यापक बनाउने लक्ष्य लिएको छ।

वल्र्डलिंकका अनुसार नयाँ वाईफाई सिक्स राउटरले घर तथा बहुमंजिल्ला भवनहरूमा ४० प्रतिशतभन्दा बढी कभरेज विस्तार गर्न सक्षम छ। यो प्रविधिले अहिले प्रयोगमा रहेका वाईफाई फाइभ राउटरको तुलनामा चार गुणा बढी गति र भरपर्दो कार्यसम्पादन उपलब्ध गराउने कम्पनीको दाबी छ। यसले ७५ प्रतिशत कम लेटेन्सी प्रदान गर्ने, चार गुणा छिटो तथा सिमलेस प्रदर्शन दिने र उपभोक्ताका लागि छिटो मात्र नभई किफायती हुने विशेषता समावेश गरेको छ।

वल्र्डलिंकले नयाँ ‘सिक्स-जी’ सेवाले फोरके स्ट्रिमिङ, अनलाइन गेमिङ, भिडियो कन्फरेन्सिङजस्ता उच्च ब्यान्डविथ आवश्यक पर्ने गतिविधिलाई झनै सहज बनाउने जनाएको छ।