भारतका कोरेनलाई नकआउट गर्दै रविन्द्र ढाँट बने एमएफएन च्याम्पियन

कञ्चनपुर । नेपाली मिक्स्ड मार्शल आर्ट्स (एमएमए) फाइटर रविन्द्र ढाँटले भारतको प्रतिष्ठित ‘म्याट्रिक्स फाइट नाइट’ मा ऐतिहासिक जित हासिल गरेका छन् ।

शनिबार राति भारतमा सम्पन्न प्रतिस्पर्धामा डिफेन्डिङ च्याम्पियन भारतका चोङरेङ कोरेनलाई नकआउट गर्दै ढाँटले बान्टमवेट च्याम्पियनको उपाधि जितेका हुन् । खेलको सुरुवाती दुई राउन्डमा दुवै फाइटरबीच कडा प्रतिस्पर्धा देखिएको थियो। तर, तेस्रो राउन्ड सुरु भएको ५४ सेकेन्डमै ढाँटले शक्तिशाली प्रहार गर्दै कोरेनलाई नकआउट गर्न सफल भए।