काठमाडौं । नेपाली कांग्रेसको १५औँ महाधिवेशनअन्तर्गत नयाँ नेतृत्व चयनका लागि भएको निर्वाचनको मतगणना जारी छ। पार्टी कार्यालय सानेपामा उपसभापति र महामन्त्री पदको मतगणना भइरहेको छ।
पछिल्लो विवरणअनुसार उपसभापति खुलातर्फ डा. चन्द्रकान्त भण्डारीले ४७१ मतसहित अग्रता लिनुभएको छ। समावेशीतर्फ विनोदकुमार चौधरी २६३ मतसहित अगाडि हुनुहुन्छ।
त्यस्तै, महामन्त्री खुलातर्फ प्रदीप पौडेलले ४९३ र अमरसिंह पुन मगरले ३४२ मत प्राप्त गर्नुभएको छ। महिला महामन्त्रीतर्फ डा. डिला संग्रौला पन्त ३९७ मतसहित अगाडि हुनुहुन्छ भने महालक्ष्मी उपाध्याय डिना ३५३ मतसहित दोस्रो स्थानमा हुनुहुन्छ।
८७५ मत गणना हुँदासम्म विभिन्न पदमा उम्मेदवारबीच प्रतिस्पर्धा जारी छ। मतगणनाको अन्तिम नतिजा आउन बाँकी छ।
Discussion about this post