कञ्चनपुर । सुदूरपश्चिमको मौलिक देउडा लोकसंगीतलाई आधुनिक तथा र्याप शैलीसँग संयोजन गर्दै तयार पारिएको नयाँ देउडा गीत ‘बझाङ्गी मैना’ स्यान्डी म्युजिक युट्युब च्यानलमार्फत सार्वजनिक गरिएको छ। सार्वजनिक भएसँगै गीतले दर्शक तथा श्रोताबाट सकारात्मक र उत्साहजनक प्रतिक्रिया पाउन थालेको छ।
गीतको शब्द र स्वर स्यान्डी म्युजिककै रहेको छ भने संगीत संयोजन देव आ गया ले गरेका छन्। भिडियो निर्देशन कमल मानले गरेका हुन् भने छायांकन (सिनेमाटोग्राफी) दीपेश भाटले गरेका हुन्। गीतमा छाया कुँवरको अतिरिक्त स्वर समावेश गरिएको छ।
गीतको भिडियोमा कलाकार नीरज भण्डारी (कुल्ला डन) र रिया बिष्टको अभिनय देख्न सकिन्छ। नृत्य निर्देशन द केएन डान्स एकेडेमीले गरेको हो। रेकर्डिङ, मिक्सिङ तथा मास्टरिङ केपास स्टुडियोमा सम्पन्न गरिएको छ।
यो भिडियो रिया बिष्टको पहिलो अभिनय हो भने पहाडीको छौउनो, हैला बुदी, पुतली, सुन्दरी जस्ता लोकप्रिय गीतमार्फत परिचित कुल्ला डन (नीरज भण्डारी) ले यस गीतमा पनि अभिनय गरेका छन्।
गीतको भिडियोमार्फत सुदूरपश्चिमको मौलिक देउडा संस्कृतिलाई आधुनिक संगीत र र्याप शैलीसँग जोडेर नयाँ पुस्तासम्म पुर्याउने प्रयास गरिएको छ, जसले परम्परा र आधुनिकताको सुन्दर संयोजन प्रस्तुत गरेको देखिन्छ।
Discussion about this post