कञ्चनपुर – मनसुन बाहिरिँदै गर्दा पश्चिमी वायुको प्रभाव शुरू भएको छ । गएराति देशको पश्चिमी भेगमा पश्चिमी वायुको प्रभावले र मध्य तथा पूर्वी क्षेत्रमा मनसुनी वायुको प्रभावले हल्का वर्षा भएको छ ।
मौसम पूर्वानुमान महाशाखाका अनुसार हिजोदेखि सुदूरपश्चिम र कर्णाली प्रदेशको पूरै क्षेत्रबाट तथा लुम्बिनीको पश्चिमी भेगका धेरै ठाउँ र गण्डकी प्रदेशको पश्चिमी क्षेत्रका थोरै ठाउँबाट मनसुन बाहिरिएको हो । योसँगै ती ठाउँमा पश्चिमी वायुको प्रभाव शुरू भएको हो ।
पश्चिमी वायुको प्रभावले ती क्षेत्रमा हल्का वर्षा भएको छ । यसबाहेक मध्य र पूर्वी भेगका अरू ठाउँमा मनसुनी वायुको प्रभावले हल्का पानी परेको छ ।
Discussion about this post