जेनजी विद्रोहलाई उपलब्धिविहीन बनाइएको भन्दै माइतीघरमा प्रदर्शन

कञ्चनपुर : राष्ट्रिय प्रजातन्त्र पार्टी (राप्रपा)का युवा नेताहरूले काठमाडौंको माइतीघरमा सांकेतिक मौन प्रदर्शन गरेका छन्। जेनजी विद्रोहलाई उपलब्धिविहीन बनाइएको भन्दै उनीहरूले शनिबार माइतीघरमा प्रदर्शन गरेका हुन्।

उनीहरूले क्रान्तिको भावनाविपरीत नजान र शहीदको बलिदानीलाई नजरअन्दाज नगर्न माग गरेका छन्। आन्दोलनका क्रममा भएको दमन गर्नेहरूलाई तत्काल कानुनी दायरामा ल्याउन ढिलाई भएको भन्दै उनीहरूले चिन्ता व्यक्त गरेका छन्।

राप्रपा केन्द्रीय सदस्य खुस्बु ओलीले क्रान्तिको भावनाविपरीत अन्तरिम सरकार अघि बढ्न खोजेकाले ध्यानाकर्षण गराउन सांकेतिक मौन प्रदर्शन गरिएको जानकारी दिइन्।