कञ्चनपुर । नेपालको पहिलो अग्रणी जीवन बीमा कम्पनी नेशनल लाईफ इन्स्योरेन्स कम्पनी लिमिटेडको महेन्द्रनगर शाखाले आर्थिक वर्ष २०८१/८२ मा उत्कृष्ट व्यवसाय गर्ने अभिकर्ताहरूलाई एक समारोहका बीच सम्मान गरेको छ।
महेन्द्रनगर शाखाका शाखा प्रमुख अमर सिंह धामीको अध्यक्षतामा सम्पन्न भएको उक्त कार्यक्रममा कम्पनीका सुदूरपश्चिम प्रदेश प्रमुख नवीन किशोर भट्ट प्रमुख अतिथि रहनुभएको थियो।
कार्यक्रममा उत्कृष्ट व्यवसाय गर्ने अभिकर्ताहरूलाई सम्मान गरिएको थियो। सञ्जाल व्यवसायतर्फ महेन्द्रनगर शाखाका मुख्य व्यवसाय प्रबन्धक राजेन्द्र बहादुर चन्द प्रथम हुनुभएको थियो भने व्यक्तिगत व्यवसायतर्फ मथुरा कार्की प्रथम हुनुभएको थियो।
सञ्जाल र व्यक्तिगत दुवैतर्फका उत्कृष्ट दशमा पर्न सफल, चेयरपर्सन क्लब मेम्बर क्वालिफायर, सीईओ क्लब, र नेशनल रत्न विजेता अभिकर्ताहरूलाई पनि सम्मान गरिएको थियो।
धनगढी शाखाका शाखा प्रमुख लक्ष्मी भट्टले व्यवसाय प्रवर्द्धनका बारेमा आफ्नो भनाइ राख्नुभएको थियो। कार्यक्रमको सञ्चालन महेन्द्रनगर शाखाका मुख्य व्यवसाय प्रबन्धक राजेन्द्र बहादुर चन्दले गर्नुभएको थियो। कार्यक्रमका प्रमुख अतिथि नवीन किशोर भट्टले अभिकर्ताहरूलाई उत्प्रेरणात्मक तालिम पनि दिनुभएको थियो।
Discussion about this post