काठमाडौं – जिल्ला प्रशासन कार्यालय काठमाडौंले आज बिहान ८:३० बजेदेखि लागू हुने गरी काठमाडौं महानगरपालिकाको चक्रपथ क्षेत्रभित्र कर्फ्यु आदेश जारी गरेको छ।
कुन-कुन क्षेत्रमा लागू हुन्छ?
काठमाडौं महानगरपालिका चक्रपथ क्षेत्रभित्र – बालकुमारी पुलदेखि कोटेश्वर चोक, सिनामङ्गल, गौशाला, चाबहिल, नारायणगोपाल चोक, गोङ्गबु, बालाजु, स्वयम्भू कलङ्की, बल्खु हुँदै बागमती नदी पुलसम्मको चक्रपथ भित्रको सम्पूर्ण भू-भाग
कसलाई छुट दिइएको छ?
कर्फ्यु आदेशको अवधिमा अत्यावश्यक सेवाका सवारी साधनहरुलाई भने छुट दिइएको छ। यसमा एम्बुलेन्स, दमकल, शव वाहन, स्वास्थ्यकर्मीका सवारी साधन, सञ्चारकर्मीहरु, पर्यटक सवारी साधनहरु, मानव अधिकार तथा कूटनीतिक नियोगका सवारी साधन र हवाई टिकटको आधारमा हवाई यात्रुहरुलाई सुरक्षाकर्मीको सहयोग रहनेछ।
कर्फ्यु आदेश प्रमुख जिल्ला अधिकारी छविलाल रिजालद्वारा जारी गरिएको हो।
Discussion about this post