काठमाडौँ । नेपाल नागरिकता (दोस्रो संशोधन विधेयक, २०८२) पारित भएसँगै एकल आमाका सन्तानले आमाको नामबाटै नागरिकता पाउने बाटो खुलेको छ।
विधेयकमाथिको छलफलमा उठेका प्रश्नको जवाफ दिँदै गृहमन्त्री रमेश लेखकले नागरिकताको विषयमा संविधान, कानून र सरकारको धारणा स्पष्ट रहेको बताए।
उनले नागरिकता पाउनुपर्ने नागरिक नागरिकताविहीन नरहोस् र पाउन नपर्ने व्यक्तिले नागरिकता नपाओस् भन्ने विषयमा सरकार गम्भीर रहेको बताए।
उनले संविधानले गैरआवासीय नेपाली नागरिकलाई पनि नागरिकता प्रदान गर्ने व्यवस्था गरेको उल्लेख गर्दै त्यसका लागि छुट्टै कानून निर्माणको तयारीमा सरकार जुटेको पनि बताए।
गृहमन्त्री लेखकले भने, ‘नेपाली नागरिकता पाउनुपर्ने नागरिक नागरिकताविहीन नरहोस् र पाउन नपर्ने मानिसले नागरिकता नपाओस् भन्नेमा संविधान, कानून र सरकार स्पष्ट छ। नेपालको नागरिकता पाउनुपर्ने मानिसले नागरिकता पाउनुपर्छ, पाउन नहुने मानिसले पाउनुहुन्न। यसका विषयमा दुविधा हुन सक्दैन।’
नागरिकताको विषयमा रहेका विवाद र समस्या समाधान गर्न सरकारले नागरिकता विधेयक संशोधन गरेको हो।
Discussion about this post