कञ्चनपुर । ब्रिक्सटन कलेजले वैज्ञानिक लेखन र प्रकाशनसम्बन्धी तिन दिने तालिम आयोजना गरेको छ ।
विश्वविद्यालय अनुदान आयोग (युजिसि) को सहयोगमा जेठ ७ देखि ९ गतेसम्म वैज्ञानिक लेखन र प्रकाशनसम्बन्धी तीनदिने तालिम आयोजना गरिएको कलेजले जनाएको छ।
तालिमको सहजीकरण सुदूरपश्चिम विश्वविद्यालयका सहायक प्राध्यापक डा. गम्भीर बहादुर चन्द, त्रिभुवन विश्वविद्यालयका सहायक प्राध्यापक डा. प्रकाश दत्त भट्ट र सुदूरपश्चिम विश्वविद्यालयका सहप्राध्यापक डा. शिब प्रसाद सापकोटाले गर्नुभएको थियो।
तालिमको मुख्य उद्देश्य सुदूरपश्चिम नेपालका शिक्षक, विद्यार्थी र उदीयमान विद्वानहरूमा शैक्षिक लेखन कौशल वृद्धि गर्नुका साथै अनुसन्धान संस्कृतिलाई प्रवर्द्धन गर्नु थियो। सहभागीहरूले वैज्ञानिक लेखनका विभिन्न पक्षहरू, प्रकाशन प्रक्रिया र अनुसन्धानको गुणस्तर सुधार्ने तरिकाहरूबारे गहन ज्ञान प्राप्त गरेका छन्।
उक्त तालिममा विभिन्न ४-५ कलेजका ८० जना शिक्षक तथा विद्यार्थीहरूको सहभागिता रहेको थियो। तालिमले सुदूरपश्चिम क्षेत्रमा शैक्षिक अनुसन्धान र लेखनको स्तर उकास्न महत्त्वपूर्ण योगदान पुर्याउने अपेक्षा गरिएको छ।
Discussion about this post