कञ्चनपुर – सुन्दरपुर खेलकुद विकास संस्थालाई खेलकुद सामाग्री हस्तान्तरण गरिएको छ । वेदकोट नगरपालिका वडा नम्बर -०९ ले शुक्रबार एक कार्यक्रमका बिच संस्थालाई खेलकुद सामाग्री हस्तान्तरण गरेको हो ।
खेल प्रतिको उत्साह र राष्ट्रिय स्तरका खेलाडीहरू उत्पादनका साथै खेलप्रति प्रोत्साहनका लागि सुन्दरपुर खेलकुद विकास संस्थालाई खेलकुद सामाग्री हस्तान्तरण गरिएको वेदकोट नगरपालिका वडा नम्बर -०९ का वडा अध्यक्ष जनक बहादुर बिष्टले जानकारी दिएका छन्।
खेलाडीलाई अझ खेलप्रति उत्प्रेरित बनाउका लागि ५० हजार बराबरको फुटबल, जर्सी, मोजा, कोन लगायत अन्य खेलमा आवश्यक खेलकुद सामाग्रीहरू हस्तान्तरण गरिएको वडा अध्यक्ष बिष्टले बताएका छन्।
साथै असोज १५ गतेदेखि हुन गइरहेको दोस्रो संस्करणको मेयर कप नगर स्तरीय पुरुष फुटबल प्रतियोगितामा समेत यी खेलकुद सामाग्रीले सहज हुने वडा अध्यक्ष बिष्टले बताएका छन्।
