कञ्चनपुर – कञ्चनपुरको वेदकोट नगरपालिका वडा नम्बर -०७ सुडामा रहेको साना किसान कृषि सहकारी संस्था लिमिटेडले पशुधन सुरक्षण (पशुबिमा) गरेका कृषकहरूको वार्षिक भेला एवम् औषधी तथा घाँसको बिउ वितरण कार्यक्रम सम्पन्न गरेको छ।
पशुधन सुरक्षण उप समिति का उपाध्यक्ष ईश्वरी बोहराको अध्यक्षता रहेको कार्यक्रममा संस्थाका अध्यक्ष खगेश्वर प्रसाद पाण्डे र उपाध्यक्ष रघुबर प्रसाद लेखकले पशुधन सुरक्षण (पशुबिमा) का बारेमा संस्थाका आगामी रणनिति एवम् भावी कार्यक्रमका बारेमा किसानहरूलाई जानकारी गराएका थिए।
सिफारिस
उक्त कार्यक्रमको सञ्चालन पशु स्वास्थ्य प्राविधिक टेक बहादुर चन्दले गरेका थिए । किसानहरूलाई समयमै हिउँदे घाँस छर्नका लागि औषधी तथा घाँसको बिउ वितरण गरिएको कार्यक्रममा पशुधन सुरक्षण (पशु बिमा) गरेकाका किसानहरूका साथै कर्मचारीहरूको समेत उपस्थिति रहेको थियो ।
