कञ्चनपुर – कञ्चनपुरको भीमदत्त नगरपालिकाका नगर प्रमुख पदम बोगटीले सामुदायिक बहुउद्देश्य (मल्टिप्रपोज) भवनको उद्घाटन गरेका छन् । आइतबार एक कार्यक्रमका बिच भवनको उद्घाटन गरिएको हो ।
जापान सरकारको (जेएफपिआर) अन्तर्गत एशियाली विकास बैंकको अनुदानमा भीमदत्त नगरपालिका–०४ मा निर्मित उक्त भवनको आइतबार नगरप्रमुख बोगटीले उद्घाटन गरेका हुन् । महामारी, बाढी, पहिरो लगायतका विपद्को समयमा स्वास्थ्य संरचना आवश्यक पर्ने कुरालाई मध्यनजर गर्दै निर्माण गरिएको उक्त भवनमा अक्सिजन जडित आइसोलेसन वार्ड, सहितको सुविधा रहेको छ ।
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
भवनमा छुट्टाछुट्टै महिलाका लागि ८ शैया र पुरुषका लागि ८ शैया गरी जम्मा १६ शैया रहेका छन् । उक्त भवन पूर्णरुपमा अपाङ्गमैत्री समेत रहेको छ । भवनका लागि भीमदत्त नगरपालिकाले जग्गा उपलब्ध गराएको थियो । आइतबार उक्त भवनको स्वामित्व नगरपालिकालाई हस्तान्तरण समेत गरिएको छ ।
![World Link Ads](https://sudurpashimkhabar.com/wp-content/uploads/2023/09/Blue-And-White-Creative-modern-Grow-Your-Business-Leaderboard-Ad.gif)
![Mahakali Polytechnic](https://sudurpashimkhabar.com/wp-content/uploads/2024/06/महाकाली-बहुप्राविधिक-शिक्षालय.gif)
भवन निर्माण गरिएकोमा धन्यवाद दिदैँ नगरप्रमुख बोगटीले विपद्का समयमा उक्त भवन तथा संरचना भीमदत्त नगरपालिकालाई ठुलो सहयोग हुने बताए । भीमदत्त नगरपालिकामा निर्मित सो भवन प्रसस्त जग्गाका कारण अन्य पालिकाको भन्दा राम्रो रहेको खानेपानी मन्त्रालय खानेपानी तथा ढल व्यवस्थापन विभागका इन्जिनियर किशोर पन्थीले बताए ।
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)
भीमदत्त नगरपालिका-०४ का वडाध्यक्ष सुशील भट्टको अध्यक्षतामा सम्पन्न उक्त कार्यक्रममा नगर उपप्रमुख नीलम लेखक जोशी, वडाध्यक्ष, खानेपनी विभागका कर्मचारी लगायतको उपस्थिति रहेको थियो ।
![Purnagiri Ads](https://sudurpashimkhabar.com/wp-content/uploads/2023/07/Brown-Minimalist-Fashion-Leaderboard-Ad.gif)