कञ्चनपुर । कञ्चनपुरको उत्तरी दुर्गमबस्तीमा रहेको एक आधारभूत विद्यालयको बार्षिकोत्सव तथा अभिभावक दिवस सम्पन्न भएको छ । शुक्लाफाँटा नगरपालिका ८ पारीफाँटामा रहेको बैजनाथ आधारभूत विद्यालयको ३४ औँ बार्षिकोत्सव तथा अभिभावक दिवस सम्पन्न भएको हो ।
आइतबार एक कार्यक्रमका विच उक्त विद्यालयले विवित कार्यक्रम गर्दै बार्षिकोत्सव तथा अभिभावक दिवस मनाएको छ ।
कार्यक्रममा विद्यालयका शिक्षक सनद ठगुन्नाले स्वागत मन्तव्य राख्दै सरोकावाला पक्षको सहयोग, सद्भावले विद्यालयको बृद्धि विकास हुने अपेक्षा राखेका छन । उनले पछिल्ला दिनहरुमा विद्यालयबाट शिक्षकहरुले शैक्षिक गुणस्तरका लागि अथक प्रयासकै कारण विद्यार्थीको आकर्षण बढिरहेको बताए ।
‘यो गाँउको सामुदायिक विद्यालय हो, ‘उनले भने, ‘यसको बृद्धि विकासका लागि सबै सरोकारवाला निकायको सहयोग आवश्यक छ ।’
बार्षिकोत्सव कार्यक्तमको उद्घाटन गर्दै शुक्लाफाँटा नगरका मेयर रण बहादुर महराले पालिबाट विद्यालयको भौतिक पूर्वाधार विकासका लागि आवश्यक सहयोग गर्ने आश्वासन दिनुभयो । मेयर महराले ग्रामिण भेगमा रहेको उक्त सामुदायिक विद्यालय नमुना बनाउन योजना दिने बताए । उनले उक्त क्षेत्र ऐतिहासिक धार्मिक पर्यटकीय गन्तव्य समेत रहेकाले शैक्षिक बृद्धि विकासका लागि पहल गर्ने बताए । प्रमुख अतिथि समेत रहेका मेयर महराले राष्ट्रपति शैक्षिक सुधार कार्यक्रम अन्र्तरत निर्माण भएको चारकोठे पक्की भवनको समेत उद्घाटन गर्दै शैक्षिक कार्यक्तम प्रभावकारी संचालनमा जोडदिए ।
कार्यक्रमका बिशिष्ठ अतिथि समेत रहेका शुक्लाफाँटा नगरपालिका ८का वडाध्यक्ष बहादुर सिह महराले सामुदायिक विद्यालयको बृद्धि विकासका लागि वडाबाट सक्दो पहल योजना बनाउने बताए । ‘मैले वडा कार्यालयका तर्फबाट सक्दो पहल गर्छु, ‘वडाध्यक्ष महराले भने, ‘सबैले आ–आफ्नो तर्फबाट शैक्षिक सुधारका लागि पहल गर्नुपर्छ ।’
वडाध्यक्ष महराले हिजो भन्दा अहिलेका बर्षहरुमा शैक्षिक सुधार भईरहेको बताए । ‘अब सामुदायिक विद्यालयको स्तरबृद्धिको विकल्प छैन, ‘उनले भने, ‘शिक्षाका सरोकारवाला पक्षले आ–आफ्नो पक्षबाट भूमिका निर्वाह गर्नुपर्छ ।’
कार्यक्तममा शुभकामना मन्तव्य दिने अभिभावकहरुले पछिल्ला बर्षहरुमा शैक्षिक सुधार भईरहेको अनुभव पोखेका छन ।
कार्यक्रमको अध्यक्षता समेत ग्रहण गरेका विद्यालय व्यवस्थापन समितिका अध्यक्ष अकबर बोहराले शिक्षक, अभिभावकको पहलमा शैक्षिक सुधार भईरहेको बताए । उनले आगामी दिनमा तीनै तहका सरकारी निकायमा विद्यालयको भौतिक संरचना निर्माणका लागि पहल गर्ने बताए । विद्यालयका सहायक प्रद्यानाध्यापक पदम साउदले अभिभावकको साथमा शिक्षकहरुले शैक्षिक गुणस्तरबृद्धिका लागि अथक मेहनत गरेको बताए । ‘विद्यालयमा अतिरिक्त कक्षा संचालन गर्दै शैक्षिक स्तर बृद्धिका कार्यक्तम संचालन गर्दैछौँ, ‘उनले भने, ‘विद्यालयमा थप घेरबार,भौतिक संरचना आवश्यक छ ।’ उनका अनुसार प्रअ अमर सिह महरा, शिक्षकद्वय सनतसिह ठगुन्ना, मदनसिह ठगुन्ना सहितका शिक्षकले अतिरिक्त कक्षा संचालन गरेर विद्यार्थीको सिकाईमा अभिबृद्धि गरेका छन ।
विगतमा थोरै रहेका विद्यार्थी चालु शैक्षिक सत्र ०८० मा झण्डै साढे तीन सय रहेका छन । कार्यक्रममा उत्कृष्ठ विद्यार्थी, विभिन्न विद्यामा विजेता विद्यार्थीलाई पुरस्कार वितरण गरिएको छ । सुदूरपश्चिमेली छलिया सहितका नृत्य प्रस्तुत गरिएका छन । शिक्षक मदन सिह ठगुन्ना, शिक्षिका भागरथी धामीले संचालन गरेको कार्यक्तक्रममा जनप्रतिनिधी, विभिन्न दलका प्रतिनिधी, अभिभावक, विद्यार्थी सहितको सहभागिता रहेको थियो ।
