देशकै नमुना अजयमेरु गाउँपालिकाको बजेट ४५ करोड ३९ लाख
डडेल्धुराको अजयमेरु गाउँपालिकाले ४५ करोड ३९ लाख ६ हजार बजेट ल्याएको छ। आइतबार गाउँपालिका उपाध्यक्ष बसन्ती पालले आगामी आर्थिक वर्ष २०८०।८१ का लागि उक्त बजेट गाउँसभाको १३औँ अधिवेशमा प्रस्तुत गरेकी हुन्।
बजेटमा चालुतर्फ ९ करोड ५७ लाख ६० हजार, पूँजीगततर्फ १४ करोड १४ लाख ५३ हजार र शसर्ततर्फ २३ करोड ८६ लाख बजेट विनियोजन गरिएको छ। गाउँपालिकाको नीति तथा कार्यक्रम केहीदिनअघि अध्यक्ष उमेशप्रसाद भट्टले प्रस्तुत गरेका थिए।
गाउँपालिकाले पूर्वाधार, शिक्षा, स्वास्थ्य, कृषिलगायतका क्षेत्रलाई प्राथमिकता दिँदै बजेट ल्याएको गाउँपालिका अध्यक्ष भट्टले जानकारी दिए। अधिवेशले बजेट तथा कार्यक्रम सर्वसम्मत रूपमा पारित भएको उनले बताए।
अजयमेरुले चालु आर्थिक वर्षभन्दा बजेट घटाएर ल्याएको हो। चालु आवमा गाउँपालिकाले ४७ करोड ५८ लाख १३ हजार बजेट ल्याएको थियो।
गन्यापधुरा गाँउपालिकाले ल्यायो ३५ करोड बजेट
डडेल्धुराको गन्यापधुरा गाँउपालिकाले आ.व.२०८०।८१ का लागि ३५ करोड ४९ लाख १४ हजार १ सय बजेट ल्याएकोछ । पालिकाको १६ औं गाँउसभा बिहिबार उद्धघाटन गरिएको थियो । पालिकाले संघ प्रदेश र स्थानीय तहको गरि रु ३५ करोड ४९ लाख १४ हजार १ सय बजेट ल्याएको हो । जसमा चालु खर्च तर्फ २३ करोड ८७ लाख ३६ हजार १ सय , पुाजीगत तर्फ ११ करोड ६१ लाख ७१ हजार १ सय रहेको पालिकाका प्रवक्ता चक्र बशादुर देउबाले जानकारि दिनुभयो ।
आ।व। २०८०।८१ को निती तथा कार्यक्रम उपाध्यक्ष मार्फत पेस भए पछि क्षेत्रगत रुपमा गन्यापधुरा गाँउपालिकाका बिषयगत शाखाहरु लाई न्यायोचित वजेट विनियोजन गर्दै प्रस्तुत आ।व। २०८०।८१ को बार्षिक बजेट तथा कार्यक्रम माथि छलफल गरि अब बस्ने अधिबेसन बाट पालिकाले स्किृत गर्ने गरि पालिका अध्यक्ष ईन्द्र बहादुर कार्किको अध्यक्षतामा दास्रो बैठक सम्पन्न आज भएकोछ ।
आलिताल गाउँपालिकाले बजेट
डडेल्धुराको आलिताल गाउँपालिकाले ४३ करोड ३ लाख ८२ हजार ६ सय रुपैयाँ बराबरको बजेट ल्याएको छ। आइतबार गाउँपालिका उपाध्यक्ष मैनाकुमारी रावलले आगामी आर्थिक वर्ष २०८०।८१ का लागि उक्त बजेट गाउँसभाको १५औँ अधिवेशमा प्रस्तुत गरेकी हुन्। जसमा चालुतर्फ ३१ करोड १३ लाख ६२ हजार र पूँजीगततर्फ ११ करोड ९० लाख २० हजार रुपैयाँ विनियोजन गरिएको छ।
विनियोजित बजेटले गाउँपालिका कार्यालयको प्रशासनिक र पुँजीगत खर्च, वडा तथा गाउँपालिकास्तरीय योजना र कार्यक्रम खर्च, विषयक्षेत्रगत योजना तथा कार्यक्रम, समपूरक र विशेष योजनाहरू र संघीय तथा प्रदेशस्तरीय शसर्त कार्यक्रमहरू कार्यान्वयन गरिने उपाध्यक्ष रावलले बताइन्।
आगामी आर्थिक वर्षका लागि अनुमान गरिएको खर्च व्यहोर्ने स्रोतमध्ये संघीय राजस्व बाँडफाँडबाट ९ करोड ३३ लाख ८ हजार ६ सय, प्रदेश राजस्व बाँडफाँडबाट २२ लाख ५६ हजार, गाउँपालिकाको आन्तरिक आय १ करोड, संघीय समानीकरण अनुदान ८ करोड २९ लाख, प्रदेश समानीकरण अनुदान ६६ लाख ६८ हजार, शसर्त अनुदान चालु १७ करोड ३८ लाख ५० हजार, शसर्त अनुदान पुँजीगत १ करोड ४७ लाख, प्रदेश विशेष अनुदान चालु ३० लाख, संघीय विशेष अनुदान पुँजीगत २ करोड ५० लाख, प्रदेश विशेष अनुदान पुँजीगत ५७ लाख, संघीय समपूरक अनुदान पुँजीगत ७० लाख र प्रदेश समपूरक पुँजीगत अनुदानबाट ६० लाख गरी कूल ४३ करोड ३ लाख ८२ हजार ६ सय रुपैयाँ जुटाइने उनले बताइन्।
गाउँपालिकाले पूर्वाधार, शिक्षा, स्वास्थ्य, कृषिलगायतका क्षेत्रलाई प्राथमिकता दिँदै बजेट ल्याएको गाउँपालिका अध्यक्ष शेरसिंह पार्कीले जानकारी दिए। उनका अनुसार केही नयाँ र केही पुराना कार्यक्रमलाई समेट्दै बजेट विनियोजन गरिएको छ।
गाउँपालिका प्रवक्त तथा वडा नम्बर ७ का वडाध्यक्ष वीरबहादुर बोहराले आइतबार नै नीति तथा कार्यक्रम प्रस्तुत गरेका थिए। आलितालले पनि बजेट तीन करोड घटाएर ल्याएको छ। चालु आर्थिक वर्षमा गाउँपालिकाले ४६ करोड ६४ लाख १८ हजारको बजेट ल्याएको थियो। खबरदारी न्युज बाट
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)