साढे १२ हजार मतान्तरसहित देउवा डडेल्धुराबाट सातौँ पटक निर्वाचित
एक मात्र निर्वाचन क्षेत्र रहेको डडेल्धुराबाट प्रधानमन्त्री तथा नेपाली कांग्रेसका सभापति शेरबहादुर देउवा लगातार सातौँ पटक निर्वाचित भएका छन् ।
डडेल्धुराबाट निकटतम प्रतिद्वन्द्वी स्वतन्त्र उम्मेदवार सागर ढकाललाई करिब साढे १२ हजार मतान्तरसहित पराजित गर्दै देउवा निर्वाचित भएका हुन् ।
देउवाले २५ हजार ५३४ मत पाउँदा ढकालले १३ हजार ४२ मत ल्याए । नेपाली कांग्रेस बीपीका कर्णबहादुर मल्लले ७ हजार ५३५ मत पाए ।
देउवा २०४८ को संसदीय निर्वाचन, मध्यावधिनिर्वाचन २०५१ , प्रतिनिधिसभा सदस्य निर्वाचन २०५६ , संविधानसभा सदस्य निर्वाचन २०६४ , २०७० मा पनि त्यहाँबाट नै निर्वाचित भएका थिए । प्रतिनिधिसभा सदस्य निर्वाचन २०७४ मा पनि डडेलधुराबाट उनी भारी मतका साथ निर्वाचित भएका थिए । गोदावरी न्युज बाट सभार
