कञ्चनपुर : नेपाली कांग्रेस कञ्चनपुरले सत्ता गठबन्धनका उम्मेदवारहरुलाई विजयी गराउनका लागि गठबन्धनका पक्षमा जनमत सृजना गर्न कार्यकर्तालाई निर्देशन दिएको छ ।
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
मंगलबार जिल्ला कार्यसमिति सचिव भीमराज भट्टद्वारा हस्ताक्षरित विज्ञप्तिमार्फत वामलोकतान्त्रिक गठबन्धनका आधिकारिक उम्मेदवारबाहेक अन्यको पक्षपोषण नगर्न निर्देशन दिइएको हो । विज्ञप्तिमा आधिकारिक उम्मेदवारबाहेकलाई पक्षपोषण हुने गरी कुनै किसिमका अभिव्यक्ति नदिन, सामाजिक सञ्जालमा पोष्ट, कमेन्ट र लाइक नगर्न भनिएको छ ।
‘आधिकारिक उम्मेदवारहरु बाहेकको पक्षपोषण हुने गरी कुनै किसिमका अभिव्यक्ति नदिन, सामाजिक सञ्जालमा पोष्ट, कमेन्ट र लाइक तथा कुनै पनि प्रचार प्रसार जस्ता कार्यहरु नगर्न र लोकतान्त्रिक वामगठबन्धनका विपक्षमा कुनै किसिमका अभिव्यक्ति नदिन तथा सामाजिक सञ्जालमा टिकाटिप्पणी नगर्न अनुरोध छ,’ विज्ञप्तिमा भनिएको छ ।
![Purnagiri Ads](https://sudurpashimkhabar.com/wp-content/uploads/2023/07/Brown-Minimalist-Fashion-Leaderboard-Ad.gif)