प्रशिद्ध धार्मिक, साँस्कृतिक तथा पुरातात्विक उन्नतिको धरोहर : प्राचीन पञ्चदेवल शिव धाम सप्तदेवल मन्दिर

बैतडी – जिल्लाको प्रसिद्ध धार्मिक अध्यात्मिक साँस्कृतिक पुरातात्विक उन्नतिको धरोहर मात्र नभएर ऐतिहासिक पर्यटकीय दुष्टिकोणले महत्वपूर्ण स्थल पञ्चदेवल शिव धाम सप्तदेवल मन्दिर सदरमुकाम खलंगा गढी बाट करिब दुई किलोमिटर रहेको छ ।

पञ्चदेवल शिव धाम सप्तदेवल वि.स. २०६४ सालमा पुरातात्विक विभागमा रामशाहपथ काठमाडौँ दर्ता भएको हो ।

सुदुरपश्चिम प्रदेशको पहाडी जिल्ला बैतडी जिल्लाको दशरथचन्द नगरपालिका वडा नम्बर ४ देवलहाट मा स्थित प्रसिद्ध ऐतिहासिक धार्मिक संस्कृति तथा पर्यटकीय स्थल पञ्चदेवल शिव धाम सप्तदेवल मन्दिर ऐतिहासिक र धार्मिक महत्व बोकेको क्षेत्र हो।

सुदुरपश्चिम प्रदेश कै एक महत्वपुर्ण धार्मिक स्थलको रूपमा समेत यस क्षेत्रलाई चिनिने गरेको छ द्धापरयुगमा पाण्डवहरु वनवासमा रहेको समयमा घुमफिर गर्दै देवलहाट भएको स्थानमा बास  बस्न आई पुगेका र उनिहरूले यस स्थानमा शिवलिङ्गको स्थापना गरी शिवको मन्दिर बनाइएको किंवदन्ती छ ।