उल्टाखामकी पीडीत बालिकालाई ५ लाख सहयोग गर्ने भीमदत्त नगरपालिकाको निर्णय,नगद ३९ हजार हस्तान्तरण
महेन्द्रनगर । कञ्चनपुरको भीमदत्त नगरपालिकाको आकस्मीक बसेको बोर्ड बैठकले उल्टाखामकी ११ वर्षीय बालीकाको परिवारलाई रु ५ लाख सहयोग गर्ने निर्णय गरेको छ ।
बिहिबार बसेको नगरपालिकाको बैठकले पीडीत बालिकाको नाममा खाता खोलेर ५ लाख सहयोग गर्ने निर्णय गरेको हो । त्यसैगरी नगरपालिकाका मेयर पदम बोगटी, उपमेयर निलम लेखक जोशी लगायत वडा अध्यक्षहरुले सहयोग संकलन गरेर बालिकाको उपचारका लागि रु ३९ हजार ५ सय नगद सहयोग रकम बालीकाका बुवालाई हस्तान्तरण गरेका छन । सहयोग रकम हस्तान्तरण गर्दै नगर प्रमुख पदम बोगटीले बालीकाको उच्च शिक्षासम्मको पढाई ,स्वास्थ्य उपचार र जिविको पार्जनका लागि नगरपालिकाले सहयोग गर्ने बताए ।‘प्रदेश सरकारलाई पनी सहयोगका लागि अनुरोध गर्छौ ।
’ नगर प्मुख बोगटीले भने–‘अहिले स्वास्थ्य उपचारका लागि नगर सहयोग गरेका छौ ।’ गत मंगलबार विहान उल्टाखामकी बालिकामाथी ३४ वर्षीय दिनेश मालीले यौनदुव्र्यवहार गरेको आरोप लागेको थियो । आरोपित पुरुष भने सोही दिन झुण्डिएको अवस्थामा मृत फेला परेका थिए । बालीकाको धनगढी उपचार भइरहेको छ । पश्चिम प्रेसबाट सभार
Discussion about this post